Sekolah

Sekolah (hurup Arab Gundul: سكوله) atawa sekola (hurup Arab Gundul: سكولا) entu lembaga nyang dibuat jadi tempat guru bakal ngajarin murid. Macem-macem sekolah ada banyak, misalnya guwernemèn punya sekolah sekolah negeri èn nyang bukan guwernemèn punya sekolah swasta. Nah, sekolahan ni juga' ada punya trap-trapnya, begantung pegimana atu negara punya sistimnya dah. Di Indonésia, sekolah dibelèk-belèk trapnya jadi (namanya paké basa Indonésia):

• Taman kanak-kanak (TK) atawa raudatul atfal (RA)
• Sekolah dasar (SD) atawa madrasah ibtidaiah (MI)
• Sekolah menengah pertama (SMP) atawa madrasah sanawiah (MTs)
• Sekolah menengah atas (SMA) atawa madrasah aliah (MA)
• Perguruan tinggi atawa sekolah tinggi.

Ada lagi sebenernya nama kelompok bermain atawa play group atawa prasekolah. Cuman, kaga' umum orang kita ikut nyang begituan. Biasanya, orang pada langsung TK atawa RA baé.

Kalo di jaman normal dulu, laèn lagi dia punya trap-trap.

Sekolah biasanya dipimpin ama hop sekolah (basa Indonésia: kepala sekolah). Ni hop sekolah juga' ada punya wakilnya nyang bakal ngebantu dia punya gawéan.

Dalem kita punya basa, basa Betawi, gedong sekolah digero'nya sekolahan. Sebagé lagi, orang nyang ada dapet didikan biasanya dibilangnya anak sekolahan.