Parasut
Parasut marupakan suatu parangkat nang tabuat matan tekstil lembut nang dipakai hagan malambati garakan ubjik di atmosfer dengan manciptaakan seretan (drag). Parasut umumnya dipakai hagan malambati garakan nang kabawah ulih sasurang atawa suatu ubjik ka bumi. Parasut drogue jua takananya dipakai hagan manulungui panurunan kalajuan hurizuntal suatu kandaraan (pesawat terbang atawa pesawat ulang alik sawaktu mandarat atawa suatu drag racer). Kabanyakan parasut modern wayahini babantuk sayap sami kaku, nyaman bamanuver, wan kawa ditarbangakan sabagai glider.
Parasut bahari diulah matan sutra, tatapi wayahini hampir salalu diulah matan tekstil nilon, kadang dilapisi lawan silikon hagan maningkatakan kinerja wan konsistensi. Awalnya, sutra dipakai hagan tali parasut, tatapi kamudian digantiakan ulih nelon pas Perang Dunia II. Sawaktu parasut model persegi dipinanduakan, para produsen baganti ka bahan beregangan randah nang kaya Dacron ataw bahan nang kadada ragangan nang kaya Spectra, Kevlar, wan Vectran.
Kata parasut baasal matan kata bahasa Prancis "para" (malindungi) wan "chute" (gugur). Karananya, parasut sabujurnya baarti "palindungan haratan gugur". Urang nang batajun lawan parasut rancak disambat lawan "penerjun".
- (Bahasa Inggris) Parachute History
- (Bahasa Inggris) History of parachute Archived 2006-10-17 at the Wayback Machine
- (Bahasa Inggris) FAI, Fédération Aéronautique Internationale -- The international governing body for all airborne sports.
- (Bahasa Inggris) USPA, The United States Parachute Association -- The governing body for sport skydiving in the U.S.
- (Bahasa Inggris) CSPA, The Canadian Sport Parachuting Association -- The governing body for sport skydiving in Canada.
- (Bahasa Inggris) Dropzone.com, Skydiving, dropzones and modern parachuting
- (Bahasa Inggris) Parachute Archived 2015-11-17 at the Wayback Machine