Atol das Rocas
An Atol das Rocas (atoll ar c'herreg e brezhoneg) zo un atoll er Meurvor Atlantel, 267 km er biz da gêr Natal hag aod stad Rio Grande do Norte m'eo stag outi ent-velestradurel, ha 145 km er c'huzh-heol da Enezeg Fernando de Noronha, ha perc'hennet gant Brazil. Div enezennig a ya d'ober douar an atoll-se. Uhel eo goueled ar meurvor tro-dro, maz-eo ul lec'h dañjerus d'ar voraerien.
An inizi
[kemmañ | kemmañ ar vammenn]Setu anv an div enezenn:
- Illa do Farol (Enez an tour-tan),
- Illa del Cementiri,
en holl, ur gorread a 0,36 km².
Istor
[kemmañ | kemmañ ar vammenn]War ar c'hentañ kartenn eus Brazil ar Planisfério de Cantino, eus 1502, e oa merket anv an Atol das Rocas. Ur meneg all eus ar Rocas a zo bet lakaet war gont an Amiral Dario Paes Leite, a zeskrivas peñse nev ar verdeadenn kaset gant ar moraer portugalat Gonçalo Coelho (1451-1512) a-hed aod Brazil, e 1503[1],[2]. Daoust ma oa anavezet abaoe ar XVIvet kantved ne gaver kartenn ebet eus ar Rocas a-raok 1852, savet gant ar c'habiten Phillip Lee, hag anvet Baixo das Rocas pe Baixo das Cabras. Enez Rocas a voe graet un atoll anezhi e 1858, gant ar c'homandant Vital de Farias. Hag ar c'hentañ naturoniour a reas meneg anezhi e voe Jean de Léry, e 1880.
Mirva
[kemmañ | kemmañ ar vammenn]Ur mirva natur eo an enez abaoe 1979 hag enskrivet eo war listenn Glad bedel an UNESCO abaoe 2001. Diwallet eo gant ar Reserva Biológica Atol das Rocas.
Notennoù
[kemmañ | kemmañ ar vammenn]- ↑ "manejo atol das rocas"
- ↑ "sigep atol" Sítios Geológicos e Paleontológicos do Brasil - 033 - ATOL DAS ROCAS, ATLÂNTICO SUL EQUATORIAL OCIDENTAL, BRASIL, R. Kikuchi, Departamento de Ciências Exatas, Universidade Estadual de Feira de Santana, 1999
| ||||||||||||||||