Verb-doareañ

Er yezhoniezh e vez implijet an termen verb-doareañ (saoz. modal verb) evit komz eus ur rummad verboù-damskoazellañ resis a dalvez da spisaat doareenn (pe "modelezh") un ober displeget gant ar verb pennañ.

Peurliesañ e komzet eus verboù-doare evit deskrivañ mont-en-dro resis seurt verboù-damskoazellañ er yezhoù germanek dreist-holl.

Implijoù

Talvezout a ra ar verboù-doreañ, evel an holl verboù-damskoazellañ, da spisaat ster ur verb pennañ, o verkañ dreist-holl:

ar fed ma ranker ober un dra bennak pe ma rank un dra bennak degouezhout, da skouer:

saozneg: "must", "should"

alamaneg:"müssen", "sollen"

izelvroeg:"moeten", "zullen"

ar fed ma c'heller ober un dra bennak pe ma rank un dra bennak degouezhout, da skouer:

saozneg: "can", "want"

alamaneg: "können", "wollen"

izelvroeg:"kunnen", "willen"

Meur a verb-doareañ all ez eus evit spisaat sterioù resisoc'h etre an daou ster pennañ-mañ.

Doareoù

Alies e c'heller dielfennañ ster ur verb-doareañ e daou doare disheñvel:

Ster epistemek: o tennañ d'an doare ma soñj da unan bennak e rank bezañ an traoù deskrivet er frazenn, da skouer gant "must" e saozneg:

"You must be starving"

"Naon bras a rankez kaout"

d.l.e: naon ac'h eus a-dra-sur abalamour da fedoù resis a anavez an hini a zo o komz, da skouer bezañ chomet hep debriñ abaoe pell

Ster deontek: o tennañ da urzhioù, aotreoù ha traoù ret, da skouer gant "must" e saozneg:

"You must leave now" (= "You are required to leave now.")

A-wezhoù e c'hell bezañ an hevelep frazenn dielfennet daou zoare disheñvel hervez ar c'henarroud, da skouer:

"You must speak English".

Ster epistemek: "Me gav din eo sur-mat e oares saozneg (goude bezañ e studiet abaoe meur a vloaz, h.a.)"

Ster deontek: "Ret eo dit kaozeal saozneg"

Perzhioù yezhadurel

Stumm amzer-vremañ ar verboù-doareañ er yezhoù germanek a glota gant stumm an amzer dremenet strizh, hag abalamour da se e kaver kemmoù vogalennek etre stumm an unnader ha stumm al liester en alamaneg hag en izelvroeg hag abalamour da se ivez ne vezont ket merket gant al lostger a dalvez da verkañ an trede gour unander er verboù boas all ("-t" en alamaneg hag en izelvroeg; "-s" e saozneg), da skouer:

	verb boas	verb-doareañ
Saozneg	he works	he can
Alamaneg	er arbeitet	er kann
Izelvroeg	hij werkt	hij kan
Brezhoneg	"labourat a ra"	"gallout a ra"

Verboù-doareañ kv. verboù-damskoazellañ

Verboù diglok eo ar verboù-doareañ rak diglok eo o displegadur, ha neuze eo strishoc'h o implijoù evit re ur verb boas.

Pa vez implijet ur verb-doareañ ec'h implijet a-gevret gantañ ur verb pennañ all dindan stumm an anv-verb hep ar rannig (zu en alamaneg; te en izelvroeg; to e saozneg), da skouer:

	verb boas	verb-doareañ
Saozneg	he tries to work	he can work
Alamaneg	er versucht zu arbeiten	er kann arbeiten
Izelvroeg	hij probeert te werken	hij kan werken
Brezhoneg	klask a ra labourat	gallout a ra labourat

Gwelit ivez: