Taith Taf
| Math | llwybr troed, llwybr beic |
|---|---|
| Daearyddiaeth | |
| Rhan o'r canlynol | Lôn Las Cymru |
| Lleoliad | De Cymru |
| Gwlad | |
| Cyfesurynnau | 51.6964°N 3.3471°W |
| Hyd | 89 cilometr |
 | |
Llwybr yn ne Cymru ar gyfer cerddwyr a seiclwyr yw Taith Taf (weithiau Llwybr Taf) (Saesneg: Taff Trail). Mae'r llwybr, sy'n rhan o Lôn Las Cymru, yn ymestyn am 55 milltir rhwng Caerdydd ac Aberhonddu, gan ddilyn Afon Taf am ran helaeth o'r ffordd.
Mae'r llwybr yn cychwyn ym Mhlas Roald Dahl, Caerdydd, ac yn croesi Afon Taf ac yna'n ei dilyn tua'r gogledd drwy ganol y ddinas, gan ddod o fewn 50 llath i orsaf reilffordd ganolog Caerdydd a Stadiwm y Mileniwm; yna mae'n arwain trwy Erddi Sophia, Parc Bute a Meysydd Pontcanna. Wedi gadael y ddinas, mae'n mynd drwy bentref Tongwynlais, lle mae'n fforchio, gydag un fforch yn dringo i Gastell Coch a'r fforch arall yn mynd islaw'r castell. Mae'r ddwy ran yn ail-ymuno ger Nantgarw.
Oddi yma, mae'n dilyn llwybr seiclo cenedlaethol rhif 4 heibio Pontypridd a Rhydyfelin, Cilfynydd ac Abercynon. Ger Pontygwaith, mae'n dringo'n serth uwchben y briffordd A470 i Aberfan, yna trwy bentrefi Troed-y-rhiw ac Abercannaid, i gyrraedd Merthyr Tudful.
Oddi yno, mae'n dilyn Afon Taf Fechan trwy Pontsticill, tros Fannau Brycheiniog a heibio Talybont-ar-Wysg, i Aberhonddu, gan ddilyn Camlas Mynwy ac Aberhonddu am ychydig cyn cyrraedd y pen draw.
Ceir hefyd lwybr arall a elwir yn Llwybr Taf sy'n dilyn Afon Taf Fawr o Gefn Coed i Aberhonddu.
Dolenni allanol
[golygu | golygu cod]- (Saesneg) My Taff Trail – gwybodaeth am y llwybr