Homo naledi

Homo naledi, oyo ke cınsê merdumiyê do verêniyo ke Verocê Afrika de zanayan diyo. Wucıdê xo zey merdumê ewroyêni vêniyayo, qameyê xo zi merdumê ewroyêni ra kılmek vêniyayo. Homo naledi be morfolociya xo serra 2015ıne de kewto lista cınsanê merduman. Anatomiya iskeletê xo, xısusiyetê homininan mocnena. Fosilê homo naledi, heta nıka nêtarixiyayo, hema fıkıriyeno ke 2,5 - 3 milyon serran ra veri, no merdum deştanê verocê Afrika de weşiya xo ramıtêne.^[1]

Berziya Homo naledi se û pancas (150) santimetreyi û gıraniya cı zi çewres û panc (45) kilograma.^[2] Merdumê ke Homo naledi bınê hardi ra veto, inan vato ke mezgê cı zey porteqalo, asayışê cı zey piyê merdumiyê kıhani ra aseno, feqet karakterê cı zey merdumê rocani asenê. Heto bin ra zi dest û payê xo şanayış û gureynayışê xo ma (homo sapiens) ra nezdiyo, vaciyayo. Profesorê Universıteyê Johanneburgi, Lee Bergeri vato ke ez memnuniyet eşnawnenan ke şıma rê piyê merdumiyê verêni mocnenan û iskeletê Homo naledi mocno ra merduman.^[3]

Nameyê xo kamca ra yeno? Profesori qalkerdışê xo rê ilawe kerdo ke keşfê Homo naledi, gurenayışê ma rê raşta peşti kerdo. Şarê verocê Afrika zi profesor û ekibê xo rê desteg dayo. Sebebê destegnayışê şari ra, iskeleti rê nameyê Homo naledi dayo. Homo (merdum) û Naledi oyo ke arezeyê xo “astare”yo. Naledi zi zıwanê şarê Sesotho ra yeno.

Homo naledi ra ver, fıkıriyayo ke merdış ra dıme rituelê mezele tenya Homo sapiens de ca gırewto, hema ewro musiyayo ke rituelê mezel û merdeyê insananê ewroyêni ra ver zi asayê.^[4] Homo naledi, zey merdumi deşt û bırran de çiyê seyd kerdêne û dıma werdêne. Merg ra dıme zi rituelê merdeyi vıraştêne.

Bıvênên

Referansi

↑ http://elifesciences.org/content/4/e09560.full
↑ "Archive copy". Archived from the original on 2015-09-12. https://web.archive.org/web/20150912194900/http://linetv.com.tr/insanin-atasina-yeni-bir-tur-eklendi-homo-naledi/.
↑ "Archive copy". Archived from the original on 2015-09-30. https://web.archive.org/web/20150930030121/http://www.brtk.net/homo-naledi/.
↑ "Archive copy". Archived from the original on 2015-09-30. https://web.archive.org/web/20150930030121/http://www.brtk.net/homo-naledi/.

[1] ttp://elifesciences.org/content/4/e09560.full

[2] "Archive copy". Archived from the original on 2015-09-12. https://web.archive.org/web/20150912194900/http://linetv.com.tr/insanin-atasina-yeni-bir-tur-eklendi-homo-naledi/.

[3] "Archive copy". Archived from the original on 2015-09-30. https://web.archive.org/web/20150930030121/http://www.brtk.net/homo-naledi/.

[4] "Archive copy". Archived from the original on 2015-09-30. https://web.archive.org/web/20150930030121/http://www.brtk.net/homo-naledi/.

[1]

[2]

[3]

[4]