Pupawa

	Toś ten nastawk z temu rod Scabiosa jo pó lema na drugi nastawk pódobny. Drugi lema pupawa ma temu družyna Knautia arvensis.

Pupawa

Błyšćata pupawa (Scabiosa lucida)
systematika
Domena	Eukaryoty
Swět	Rostlinstwo
klasa:	Jědrowe eudikotyledony
	Asteridy Euasteridy II
pórěd:	(Dipsacales)
swójźba:	Kózylistowe rostliny (Caprifoliaceae)
pódswójźba:	Drapalcowe rostliny (Dipsacoideae)
rod:	Pupawa
wědomnostne mě
Scabiosa
L.

Pupawa (Scabiosa) jo rod z pódswójźby drapalcowych rostlinow (Dipsacoideae) znutśika swójźby kózylistowych rostlinow (Caprifoliaceae).

Wopis

Družyny su jadnolětne, trajne zela abo półkerki, kótarychž kwiśonki stoje w płonych, dłujko wogonkatych głowkach. Na rozdźěl wót pódobnych hsb:hłowačow (Knautia) jadnotliwe kwiśonki maju nosne łopjeńka („plowowe łopjeńka“, nimski Spreublätter). Pśidatne zwenkowny keluch wobstoj ze suchokožneje kšomy. Zrosćona krona zwětšego jo pěścypliškowa. Nakšomne kwiśonki su pitśku wětša ako nutśikowne, mjaztym až wopšawdny keluch wobstoj z pěś šćeśinow. Móžne kwiśonkowe barwy su: běła, žołta, cerwjena, módra a cerwjenowioletna.

Družyny

Wopśimjejo slědujuce družyny:

• Somośana pupawa (Scabiosa atropurpurea)
• (Scabiosa anthemifolia)
• Wónjata pupawa (Scabiosa canescens)
• Kawkaziska pupawa (Scabiosa caucasica)
• Gołubjeca pupawa (Scabiosa columbaria)
• Japańska pupawa (Scabiosa japonica)
• Błyšćata pupawa (Scabiosa lucida)
• Žołta pupawa (Scabiosa ochroleuca)

Žrědła

• Botanica, Einjährige und mehrjährige Pflanzen, Über 2000 Pflanzenporträts, ISBN 978-3-8331-4469-1, bok 790 (nim.)
• Rita Lüder: Grundkurs Pflanzenbestimmung. 5. nakład. Quelle & Meyer Verlag, Wiebelsheim 2011, ISBN 978-3-494-01497-5 (Tam jo informacija, až Kardengewächse (serbski drapalcowe rostliny) něnto słušaju k Geißblattgewächse (serbski kózylistowe rostliny).).  (nim.)
• Ullstein Lexikon der Pflanzenwelt, 1973, ISBN 3-550-16019-4, boka 414-415 (nim.)

Eksterne wótkaze

 Commons: Pupawa – Zběrka wobrazow, widejow a audio-datajow