Saint Lucia

Saint Lucia
	geografiske połoženje:;
	wuzwólone gronko:; "The Land, The People, The Light" ; (Kraj, lud, swětło)
	zakładne daty:
mě swójske	Saint Lucia
stolica	Castries
płoń	616,3 km²
wobydlaŕstwo	165.595 (2010)
gustosć zasedlenja	282/km²
głowny reprezentant stata:	kral Charles III., kótaregož tam zastupujo generalny guwerner Errol Charles
šef kněžaŕstwa:	premierminister Philip Pierre
pjenjeze:	pódzajtšo-karaibski dolar
oficielna rěc:	engelšćina
narodna hymna:	Sons and Daughters of Saint Lucia
casowa cona:	UTC -4
znamje za wósobowe awta:	WL
njewótwisnosć:	22. februara 1979
internetowa domena:	.lc
telefonowe pśedwólenje:	+1 758
	kórta:

Saint Lucia jo kupowy stat w Karibiskem mórju, kótaryž słuša k Pódwjacornoindiskim kupam a jo z cłonkom Commonwealtha. Dnja 22. februara 1979 bu njewótwisny wót Zjadnośonego kralojstwa.

Geografija

Kupa St. Lucia słuša k Małym Antilam a namaka se mjaz St. Vincentom a Grenadinami na pódpołdnju a francojskej kupu Martinique na pódpołnocy. Na krotke zajtšo wót St. Lucije w Atlantiskim oceanje lažy Barbados.

Stolica a nejwětše město kupy jo Castries na pódpołnocy z jano něźi 9.000 wobydlarjami, což jo mjeńše ako wobydlaŕstwo Biskopic. Nejwušy wjeršk jo 950 metrow wusoki Mount Gimie. Na kupje maju mimo togo dwa inaktiwnej wulkana, kótarejž stojtej na UNESCO-lisćinje pśirodnego derbstwa.

Wobydlaŕstwo

Wjeliki źěl źinsajšnego wobydlaŕstwa wobstoj z pótomnikow něgajšnych afrikańskich njewólniskich. Mimo engelskeje amtskeje rěcy powěda se teke patois, kreolski dialekt. Dwě tśeśinje wobydlaŕstwa stej romsko-katolskej.

Saint Lucia jo rodna kupa dweju nosarjow Nobelowego myta: W lěśe 1979 jo dostał William Arthur Lewis Nobelowe myto za góspodaŕske wědomnosći a w lěśe 1992 spisowaśel Derek Walcott Nobelowe myto za literaturu. Toś jo Saint Lucia pó Ferejskich kupach kraj z nejwětšej licbu Nobelowych mytow na wobydlarja.

Góspodaŕstwo

Nejwažnjejša góspodaŕska gałuz jo rolnikaŕstwo, pśi comž jo mjaztym banana cukorinu ako głowny produkt wótměniła.

Wótkaz

Commons: Saint Lucia – Zběrka wobrazow, widejow a audio-datajow

Staty a wótwisne teritorije w Pódpołnocnej Americe