L'anniversario
|
C'l artìcul chè 'l è scrit in
Miranduléś |
| L'Anniversario | ||
La Bette Davis in na figùra dal film | ||
| ’L aniversàri 1968 | ||
|---|---|---|
| Regìa: Roy Ward Baker | ||
| Scritōr: Jimmy Sangster • Bill MacIlwraith | ||
| Atōr: Bette Davis • Sheila Hancock • Jack Hedley Timothy Bateson • James Cossins • Elaine Taylor Christian Roberts • Sally-Jane Spencer | ||
| Müsica: Philip Martell | ||
| Léngua: Ingléś | ||
| Dürä dal film: 95 minüt | ||
| Nasiōṅ: Régn Unî | ||
L'Anniversario (’L aniversàri) 'l è na cumèdia négra ingléśa dal 1968 ad Roy Ward Baker. L'è stada trata da n'òpra teatràla ad Bill MacIlwraith e l'è stada giràda par qvéi dla Hammer Films e dla Seven Arts.
Sunt
La sgnóra Taggart (Bette Davis), cuma tut i an, al dè d'l aniversàri dal sò matrimòni la ciàma a cà sua tut i sò fiōi, anc se però sò marè, ch'la n s psiva briśa cumpatìr, 'l è bèla mòrt da déś an. Chi lē la i tîṅ sèmpar schis, da la sò bóca i vènan fóra dal batùdi catìvi e pò la gh'à un śguàrd ch'la fà vgnir i śgriśōr anc se fat cun 'n òć sōl parchè la gh 'n à òṅ ad vēdar briśa bòṅ par védar, anc parchè lē la 'l quàcia cun na fasōla p'r i òć.
Quànd i rìv'n a cà, lē la dasquàcia i rigài e pò la gh 'n à part tut. Henry (James Cossins) 'l è tìmid e al s vistìs da dóna, Terry (Jack Hedley) 'l è 'l ùnic spuśâ méntar Tom (Christian Roberts) 'l è 'n bric arvèrs ch'l è drē a dvintàr un ragàs-pàdar. I ùltim dū i próan a tajàr i pònt cun sò màdar ma a n è minga fàcil tgnir-ag tèsta. Terry al vrév spatinàr in Cànada cun sò mujér Karen (Sheila Hancock) e i sò sinc fiōi méntar Tom al vrév che lē la tulìs vluntéra in famìja la sò muróśa Shirley (Elaine Taylor).