Filzbach

Filzbach
	Blazono de Filzbach
	Hotelo Kerenzberberg kaj poŝtoficejo kaj komunuma domo de Filzbach
vilaĝo • former municipality of Switzerland
Kantono	Glaruso
Komunumo(j)	Glaruso Nordo
Geografia situo	CH1903: 728236 / 220190 (mapo)47.1202777777789.1286111111111Koordinatoj: 47° 7′ N, 9° 8′ O; CH1903: 728236 / 220190 (mapo)
Nombro de loĝantoj	510
Areo	13,93 km²
Alteco	682 m super marnivelo
Poŝtkodo	8757
	Mapo de Filzbach
	v • d • r

Filzbach (prononcu filcbaĥ) estis ĝis la 31-a de decembro 2010 komunumo en Kantono Glaruso, en Centra Svislando. Ĝi havis 510 loĝantojn je la 31-a de decembro 2008. Kun efiko de la 1-a de januaro 2011 Filzbach estis integrita al la nova komunumo Glaruso Nordo.

Geografio

La komunumo Filzbach situas ĉe la suda bordo de Valenlago. La efektiva vilaĝocentro situas sur alta teraso de la monto Kerenzerberg. La plej alta punkto de la komunumo situas sur alteco de 1903 m s.m. sur la montokresto Nüenchamm, dum la plej malalta punkto situas ĉe la bordo de Valenlago sur alteco de 428 m s.m.

Najbaraj komunumoj ĝis la komunuma reformo

La komunumo Filzbach limis en nordokcidento aliflanke de Valenlago al Weesen (SG), en nordo ankaŭ aliflanke de la lago al Amden (SG), en oriento al Obstalden, en sudo al Ennenda kaj en oriento al Mollis.

Trafiko

Filzbach situas flanke de la gravaj trafikvojoj. La komunumo estas konektita kun la publika transportreto per buslinioj al Mühlehorn kaj Mollis kaj Näfels. La plej proksima alveturejo al la svisa aŭtovojo A3, kiu pasas en du paralelaj tuneloj sub la komunuma teritorio, troviĝas en Mühlehorn en distanco de 5 km oriente de la vilaĝocentro. De la vilaĝocentro seĝtelfero kondukas al Habergschwänd.