Hitch

Hitch
filmo
Originala titolo	Hitch
Originala lingvo	angla lingvo
Kina aperdato	10 feb. 2005, 3 mar. 2005, 2005
Ĝenro	romantika komedio
Kameraado	Andrew Dunn
Reĝisoro(j)	Andy Tennant
Produktisto(j)	James Lassiter • Will Smith • Teddy Zee
Filmita en	Longinsulo • Nov-Jorko
Loko de rakonto	Nov-Jorko • Longinsulo
Muziko de	George Fenton
Rolantoj	Will Smith • Eva Mendes • Kevin James • Amber Valletta • Robinne Lee • Paula Patton • Michael Rapaport • Kevin Sussman • Jeffrey Donovan • Adam Arkin • Rebecca Mader • Maria Thayer • Ato Essandoh • Jenna Stern • Julie Ann Emery • Matt Malloy • Maulik Pancholy • Nathan Lee Graham • Philip Bosco • Rain Phoenix • Ryan Cross • Matt Servitto • Alexander Wraith • Vincent De Paul • Adam LeFevre • Joe Lo Truglio • Tobias Truvillion • Caprice Benedetti
Produktinta firmao	Columbia Pictures ; Overbrook Entertainment
IMDb
	v • d • r

Hitch estas usona romantika komedia filmo de 2005 reĝisorita de Andy Tennant en kiu rolas Will Smith, Eva Mendes, Kevin James kaj Amber Valletta. La filmo estis verkita de Kevin Bisch, prezentas Smith kiel Alex "Hitch" Hitchens, profesia "rendevua kuracisto", kies laboro estas instrui virojn kiel amindumi. Bedaŭrinde kun la helpo de sia plej nova kliento li ne sukcesas konkeri la virinon de siaj sonĝoj, li ekscias ke lia ludo tute ne funkcias ĉe la klaĉkolumnisto kiun li amas. Columbia Pictures publikigis Hitch la 11-an de februaro 2005, kiu estis biletvendeja sukceso kaj enspezis 371,6 milionojn da dolarojn tutmonde.^[1]

Intrigo

Averto: La teksto, kiu sekvas, malkaŝas detalojn pri la intrigo de la rakonto.

Alex "Hitch" Hitchens (Will Smith) estas profesia "rendevua kuracisto", kiu trejnas aliajn virojn pri la arto amindumi kun la ĉefa fokuso havi aŭtentajn longtempajn amrilatojn. Li tre sukcesas pri tio, kion li faras.

Dum trejnado de nova kliento, Albert Brennaman (Kevin James), kiu estas enamiĝinta al kliento de sia investa firmao, famulo Allegra Cole (Amber Valletta) Hitch enamiĝas de Sara Melas (Eva Mendes), klaĉisto kaj cinikulino. Dum la rilato de Albert kaj Allegra daŭre progresas, Hitch malfacile komencas dialogon kun Sara, trovante ke neniu el liaj romantikaj metodoj funkcias kun ŝi. Dum la tuta procezo, li sekretigas sian karieron, per la aserto esti ĝenerala "konsultisto".

Hitch renkontiĝas kun Vance Munson (Jeffrey Donovan) malprofunda mizogino, kiu klopodas dungi Hitch por helpi lin havi ununoktan amaventuron kun Casey Sedgewick (Julie Ann Emery), la kunlaboranto kaj plej bona amikino de Sara. Kvankam Hitch rifuzas helpi, Vance misgvidas Sara kredigante ke li uzis la servojn de Hitch. Post malkovrado de la vera identeco de Hitch, Sara publikigas artikolon, igante Allegra kaj Albert disiĝi kaj lasas la reputacio de Hitch en malbona situacio.

Ĉe rapida rendevua servo en kafejo Hitch iras por paroli kun Sara, Casey alfrontas Hitch kaj ŝi citas Vance kiel fonto de la artikolo. Hitch klarigas ke li ne nur rifuzis labori kun li - viroj kiel Vance estas la kialo, kial virinoj forte protektas sin - sed tiu sama protekto ankaŭ malfaciligas establi aŭtentikajn rilatojn kun bonaj viroj, kio kreas la neceson je la servoj de Hitch.

Hitch tiam provas savi la rilaton de Albert kaj Allegra kaj decidas alfronti Allegra. Kiam ŝi mencias kiel la kapricoj de Albert konvinkis ŝin, Hitch ekkomprenas ke li ne vere faras ion ajn signifan krom doni al siaj klientoj fidon kaj permesi al ili ricevi la atenton de la virinoj, kiujn ili amas kaj ke la plej multaj el liaj klientoj, precipe Albert vere estis sukcesa nur estante sin mem. Allegra kaj Albert rekomencas la rilaton, Hitch kaj Sara riparas ilian rilaton.

La filmo finiĝas kun Albert kaj Allegra geedziĝanta dum Hitch helpas Casey trovi bonan viron.

Averto: Malkaŝado de la intrigo de la rakonto ĉi tie finiĝas.