Makiso (franca prononco: [maki]) estis kamparaj gerilaj grupoj de francaj rezistantaj batalantoj, nomitaj 'maquisards', dum la Okupado de Francio en la Dua Mondmilito. Komence, ĝi estis formita el homoj, kiuj eskapis en la montojn por eviti konskripcion en la Servo de Francio Viŝia Pri Deviga Laboro, kiu estis organizita por provizi devigan laboron al Germanio. Por eviti kaptadon kaj deportadon al Germanio, ili fariĝis des pli organizitaj en aktivajn rezistojn.
Origine la vorto 'maquis' signifis specon de tereno, en kiu la armitaj rezistantaj grupoj sin kaŝis, tio estas, la speco de alta tero en sudorienta Francio kovrita de arbustoj. Kvankam ĝi strikte signifas densaĵon, 'maquis' povus esti eble tradukita kiel "arbustaro". Historiistoj ankoraŭ ne establis kiel la korsika termino alvenis en la kontinenton de Francio; tamen, la itala-deriva vorto 'maquis', uzita kiel komuna priskribo de arbaroj kaj arbustaroj en la insulo, elvokis tutan ampleksan bildon de arbaroj kaj montoj, dum la pli limigita vorto 'garrigue' uzita en la sudo de Francio indikis neinviteman terenon, kaj la vortoj 'bois', 'forêt' kaj 'montagne' estis tro malklaraj. La termino maquis signifis kaj batalantaron kaj ilian kamparan lokon. La termino starigis la bildon de "makisano" kiel "alĵurinta kaj propra-vola batalanto", "batalulo", malsame al la antaŭa "réfractaire" (nedirektebla).
Membroj de tiuj bandoj estis nomataj "maquisards" - makisanoj. La termino fariĝis honorigilo, kiu signifis "armita rezista batalanto". La Makiso do, fariĝis simbolo de la Franca rezistado.