La urbo Mannheim [MANhajm] (en Esperanto Manhejmo) situas apud la kunfluejo de la riverojRejno kaj Nekaro. Administre temas pri eksterdistrikta urbo en la federacia landoBaden-Virtembergo de Germanio. Fine de decembro 2022 ĝi havis 315 554 loĝantojn. En la jaro 766 post Kristo kiel Mannenheim (hejmo de [la viro] Manno) unuafoje dokumente menciita, ĝi ekde 1607 rajtis nomi sin urbo. En la 17-a kaj 18-a jarcento la urbo (post du-foja detruo) estis rekonstruita en la formo de 136 rektanguloj. Ĝis nun la Manhejma urbocentro ne havas stratnomojn, sed ĉiu dombloko estas retrovebla per po unu litero kaj unu nombro.
En la urbo ekde la fino de la 19-a jarcento kontinue aktivis esperantistoj kaj ekzistis diversaj Esperanto-grupoj. Kutime ili proksime kunlaboris respektive kunlaboras kun la geografie tre proksimaj samcelaj grupoj en Ludwigshafen kaj Heidelberg. En la norda urboparto Käfertal estas strato nomata "Zamenhofstraße".
Swansea, Britio (ekde 1957)
Toulon, Francio (ekde 1959)
la urbodistrikto Charlottenburg-Wilmersdorf de Berlino (ekde 1961 partneraj rilatoj kun la urboparto Charlottenburg)
Windsor, Kanado (ekde 1980)
Chişinău, Moldavio (ekde 1989)
Bydgoszcz (germane Bromberg), Pollando (ekde 1991)
Klaipėda, Litovio (ekde 2002, partneraj rilatoj ekzistis ekde 1915)[1]
Zhenjiang, Ĉinio (ekde 2004)
Ĥajfo, Israelo (ekde 2008)