Melchior Wańkowicz

Melchior Wańkowicz
Persona informo
Melchior Wańkowicz
Naskiĝo	10-an de januaro 1892 (1892-01-10) en Kaluzyca
Morto	10-an de septembro 1974 (1974-09-10) (82-jaraĝa) en Varsovio
Mortis pro	Naturaj kialoj vd
Tombo	Tombejo Powązki en Varsovio vd
Etno	poloj vd
Lingvoj	pola vd
Ŝtataneco	Usono (1956–) Pollando vd
Memorigilo
Familio
Dinastio	House of Wańkowicz vd
Patro	vd
Infanoj	Krystyna Wańkowicz vd
Profesio
Okupo	ĵurnalisto politikisto milita ĵurnalisto verkisto eldonisto publikigisto vd
Laborkampo	Literaturo vd
Verkado
Verkoj	Q11788544 vd
Honorigoj Honorigoj  Cross of Independence (en)  Komandora Kruco de la Ordeno Polonia Restituta  Silver Laurel of the Polish Academy of Literature‎ (en)  Officer of the Order of Polonia Restituta (en) vd
vd	Fonto: Vikidatumoj

Melchior Wańkowicz post la Batalo de Monte Cassino, en la fono la Monte Cairo; majo 1944

La tombo de la Wańkowicz-familio, sur la Tombejo Powązki en Varsovio

Melchior Wańkowicz (naskiĝis la 10-an de januaro 1892 en Kalużyce, gubernio de Minsk, mortis la 10-an de septembro 1974 en Varsovio) – pola verkisto, ĵurnalisto, raportisto kaj publicisto. Debutis ankoraŭ per artikoloj en gazetaro sub rusa okupado; la unuaj volumoj de raportoj kaj rememoroj eldonis en intermilita periodo. Dum la dua mondmilito laboris kiel militista korespondanto ĉe la Dua Korpuso de generalo Władysław Anders. Senpere post la milito eldonis sian plej konatan libron – Batalo de Monte Cassino – la verko pri la plej granda batalado de la korpuso en 1944, kie polaj soldatoj heroe kontribuis por la fina venko. Inter militaj eventoj rememorigis sieĝon de Westerplatte kaj partizanan batalon de Henryk Dobrzański. Senpere post la milito vivis inter elmigrantaro, en 1958 revenis al regata de komunistoj Pollando. En 1964 subskribis tiel nomatan Leteron de 34 kun protestoj i.a. kontraŭ cenzuro, per kio riskis juĝan proceson kaj kelksemajnan malliberigon, defendis lin dum la proceso advokato Jan Olszewski (la fama defendanto en politikaj procesoj dum la komunisma epoko). Li estas konsiderata unu el la plej bonaj raportistoj en historio de la pola literaturo.

Memorigo

Melchior Wańkowicz estis entombigita la 14-an de septembro sur la Tombejo Powązki en Varsovio post funebra diservo en la ĉefkatedralo al Sankta Johano. Al sia filino diris, ke ŝi ne permesu ŝtatan enterigon, do komunisman: "Ili ne fotos sin super mia ĉerko". La ceremonion partoprenis interalie ambasadoro de Usono kaj pluraj verkistoj.

Rekonante liajn meritojn por la pola ĵurnalistiko lianome oni nomis en 1995 Superan Ĵurnalisman Lernejon en Varsovio.

Bibliografio

• Krzysztof Kąkolewski, Wańkowicz krzepi (Wańkowicz plifortigas), Warszawa 1977
• Aleksandra Ziółkowska, Blisko Wańkowicza (Proksime al Wańkowicz), Wydawnictwo Literackie, Kraków, 1975 ISBN 83-08-01917-X
• Aleksandra Ziółkowska-Boehm, Melchior Wańkowicz Poland's Master of the Written Word, Lexington Books, USA 2013 ISBN 978-0-7391-7590-3