Mia najbaro Totoro
| Mia najbaro Totoro | |
|---|---|
| animea filmo • movbilda filmo | |
| Originala titolo | となりのトトロ [Tonari no Totoro] |
| Produktadlando | Japanio |
| Originala lingvo | japana lingvo |
| Kina aperdato | 16 apr. 1988, 13 jul. 1990, 16 apr. 1988 |
| Daŭro | 86 minutoj |
| Ĝenro | animeo |
| Kameraado | Hisao Shirai |
| Reĝisoro(j) | Mijazaki Hajao |
| Produktisto(j) | Tōru Hara |
| Scenaro | Mijazaki Hajao |
| Loko de rakonto | Matsugō |
| Muziko de | Hisaiŝi Ĝo |
| Produktinta firmao | Studio Ghibli |
| Honorigoj | Mainichi Film Award • Ōfuji Noburō Award • Blue Ribbon Awards • Kinema Junpo Award for Best Film of the Year |
| IMDb | |
Mia najbaro Totoro (japane: となりのトトロ [Tonari no Totoro]) estas animacia filmo, produktita en Studio Ghibli kaj publikigita en 1988.
"Totoro" estas mis-elparolado de la 4-jara knabino Mej anstataŭ korekte "トロール" [torōru] (trolo, arbara spirito). Ĉi tiu filmo konsiderinde plibonigis la reputacion de Studio Ghibli pro siaj kvalitaj desegno kaj muziko.
La reĝisoro estis Mijazaki Hajao. La muzikon por tiu filmo komponis Hisaiŝi Ĝo.
Intrigo
[redakti | redakti fonton]La 11-jaraĝa knabino Sacuki, la protagonisto de tiu filmo, kune kun sia 4-jara fratino Mej kaj ilia patro translokiĝas al domo en la kamparo. La du knabinoj kutimiĝas al nova ĉirkaŭaĵo dume malkvietante pri ilia patrino kiu ankoraŭ troviĝas en hospitalo. La filmo rakontas delikatsente la adventurojn de la du knabinoj amikiĝante al arbaraj spiritoj kiuj vivas en grandega arbo en la najbareco.
Ĉefaj roluloj
[redakti | redakti fonton]- Sacuki (japane: サツキ)
- La 11-jara knabino Sacuki amas sian plijunan fratinon Mej, sed ankaŭ kverelas kun ŝi de tempo al tempo. Kiam Mej malaperas, Sacuki sentas responseco kaj faras ĉion por trovi ŝin.
- Mej (japane: メイ)
- La 4-jara knabino Mej estas plena de memfido kaj havas "ideon", kiel ŝi povus helpi al sia patrino saniĝi plirapide.
- Patro (japane: お父さん [otōsan])
- La patro de la du knabinoj laboras en la universitato kaj devas veturi kelkfoje al la urbo, lasante la knabinojn sur la gardo de Avinjo.
- Patrino (japane: お母さん [okāsan])
- La patrino de la knabinoj ankoraŭ restas en la hospitalo kaj esperas de reveni hejmen baldaŭ.
- Avinjo (japane: おばあちゃん [obāĉan])
- Verŝajne ne vera avino de la knabinoj, sed la antaŭa posedanto de la domo, kie la knabinoj loĝas. Ŝi helpas al la nova najbara familio kaj gardas ankaŭ la knabinojn, kiam ilia patro forestas.
- Totoro (japane: トトロ),
- Grandega, sed bonkora arbara spirito. Danke al li la aventuroj de la du knabinoj iĝas neordinaraj.
- Kanta (japane: 寛太)
- Hontema najbara knabo, samaĝa kiel Sacuki. Li unue ne akceptas la novajn najbarojn.
Filmo
[redakti | redakti fonton]La filmo "Mia najbaro Totoro" aperis en la japanaj kinejoj en 1988, en la jarfino de 1988 ankaŭ en LD (laserdisko) kaj dum multaj jaroj estis konata kaj fama nur en Japanio. En 2001 ankaŭ DVD kun japana kaj angla sonregistrado aperis, kaj poste tiu filmo estis voĉtradukita en multajn lingvojn.
Titolo en aliaj lingvoj
[redakti | redakti fonton]| Lingvo | Titolo | Signifo | Rimarko | |
| angla/Usono | My neighbor Totoro | mia najbaro Totoro | ||
| angla/Britio | My neighbour Totoro | mia najbaro Totoro | ||
| ĉeĥa | Můj soused Totoro | mia najbaro Totoro | ||
| finna/DVD | Naapurini Totoro | mia najbaro Totoro | ||
| finna/TV | Näkymätön ystävä | (la) nevidebla amiko | ||
| franca | Mon voisin Totoro | mia najbaro Totoro | Mélanie Laurent: Sacuki (voĉo) | |
| hispana | Mi vecino Totoro | mia najbaro Totoro | ||
| hungara | Totoro – a varázserdő titka | Totoro – la sekreto de la magia arbaro | ||
| italia | Il mio vicino Totoro | mia najbaro Totoro | ||
| japana | となりのトトロ | (mia) najbaro Totoro | ||
| kroata | Moj susjed Totoro | mia najbaro Totoro | ||
| normĉina | 龙猫 | (la) drago-kato | ||
| norvega | Min nabo Totoro | mia najbaro Totoro | ||
| pola | Mój sąsiad Totoro | mia najbaro Totoro | ||
| portugala/Brazilo/TV | Meu amigo Tototro | mia amiko Tototro [=Totoro] | ||
| portugala/Brazilo/VHS | O Meu Vizinho Totoro | la mia najbaro Totoro | ||
| korea | 이웃집 토토로 | najbardomo Totoro | ||
| rusa | Наш сосед Тоторо | nia najbaro Totoro | ||
| sveda | Min granne Totoro | mia najbaro Totoro | ||
| taja | โทนาริ โน โต๊ะโตะโระ |
La esperanta titolo Mia najbaro Totoro kiel ankaŭ la plejmultaj de la alilingvaj titoloj devenas de la angla titolo de tiu filmo. La ĉina titolo diferencas ĉar estas malfacila traduki "Totoro" en la ĉinan.
Libroj
[redakti | redakti fonton]En 1988 en Japanio aperis ankaŭ la kolorplena kvar-voluma filmkomikso pri "Mia najbaro Totoro", eldonita de Tokuma Shoten.