Mirzapur

Mirzapur
urbo ; urbego ; setlejo vd
Administrado
Poŝtkodo	231001
En TTT	Oficiala retejo [+]
Demografio
Loĝantaro	2 496 970 (2011) [+]
Loĝdenso	64 272 loĝ./km²
Geografio
Geografia situo	25° 9′ N, 82° 34′ O (mapo)25.14582.565277777778Koordinatoj: 25° 9′ N, 82° 34′ O (mapo) [+]
Alto	80 m [+]
Areo	38,85 km² (3 885 ha) [+]
	Mirzapur (Utar-Pradeŝo)
	Situo de Mirzapur
	Mirzapur (Barato)
	Situo de Mirzapur
Alia projekto
	Vikimedia Komunejo Mirzapur [+]
	v • d • r

Mirzapur, hindie मिर्ज़ापुर, urdue مرزا پور, oficiale Mirzapur kun Vindjaĉal estas urbego kaj municipo en norda Barato, en orienta parto de subŝtato Utar-Pradeŝo, en la samnoma distrikto, kie ĝi estas ties sidejo. La barata norma tempo estas kalkulita surbaze de belfrido en Mirzapur.

Demografio

Mirzapur havis populacion de 233 691 en 2011 kun la aglomeraĵo 245 817. La legopovo 78%.

Geografio

Mirzapur situas sur la Indus-Ganga ebenaĵo 80 metrojn super la marnivelo laŭ rivero Gango. Varanasio troviĝas 49, Ĝaŭnpur 72, Prajagraĝo 83, Singrauli 103, subŝtata ĉefurbo Laknaŭo 251, Agra 506, Kolkato 655, ĉefurbo Delhio 658, Mumbajo 1214 kilometrojn (aere) [1].

Historio

Mirzapur estis fondita en la 17-a jarcento. En la sekvaj tempoj ĝi estis signifa komerca centro, precipe dum la brita dominado, ĉar la grandaj vaporŝipoj povis atingi la urbon. Kotonoj kaj tritikoj estis liveritaj tiel. En 1864 ekfunkciis la nova fervojo ĝis Prajagraĝo, tial Mirzapur malgraviĝis.

Ekonomio

En Mirzapur la plej ofta okupiĝo estas produktado de tapiŝoj, sed en uzinoj oni produktas ankaŭ kotonaĵojn. La alia grava produktaĵo estas la latunaj potoj.

Lingvoj

La oficialaj lingvoj en Mirzapur estas la hindia kaj urdua, sed loke parolas ofte boĝpure.

Religioj

En Mirzapur la loĝantoj estas hinduoj (84%), islamanoj (15%), ĝajnistoj (malpli ol 1%).

Eduko

Mirzapur estas benita de sankta rivero Gango, tial la bezonon de tempo estas doni la adekvatan kvalitan edukadon. La rilato pri eduko komenciĝas en 1878, kampuso establiĝis.

Trafiko

Mirzapur havas trairan fervojan linion kaj kvar alvenintaj ĉefvojoj. Ponto tra Gango helpas la trafikon. La plej proksima flughaveno funkcias en Varanasio.

Klimato

Mirzapur havas humidan subtropikan klimaton laŭ Klimata klasifiko de Köppen. Jare pluvas ĉirkaŭ 990 mm. En ĉiuj monatoj pluvas, tamen ofte nur dum musono inter junio-septembro.

Vidindaĵoj

pluraj preĝejoj, precipe hinduaj temploj kaj islamaj moskeoj
belfrido konstruita en 1891
en Vindjaĉal hindua pilgrimloko
akvofalo proksime
ponto konstruita en 1772 inter Mirzapur kaj Vindjaĉal
festivaloj

Interesaĵo

Estas ankaŭ televida serio nomata Mirzapur.

Fontoj

WikiTrans