Nokia (urbo)

Ĝemelurboj
	Karlstad • Blönduós • Moss • Horsens • Orjol vd

Nokia
Blazono	Situo
	Nokia
urbeto • komunumo • urbo
Ĝemelurboj
	Karlstad • Blönduós • Moss • Horsens • Orjol vd
	www.nokiankaupunki.fi
Provinco	Pirkanmaa
Fondita	1922
Areo	347,8 km²
Loĝantaro	30 500
Finnlingvaj	98,3%
Svedlingvaj	0,3%
Administrado
En TTT	Oficiala retejo [+]
Demografio
Loĝantaro	35 730 (2024) [+]
Loĝdenso	124 loĝ./km²
Geografio
Geografia situo	61° 29′ N, 23° 30′ O (mapo)61.47666666666723.505277777778Koordinatoj: 61° 29′ N, 23° 30′ O (mapo) [+]
Areo	288,3 km² (28 830 ha) [+]
Horzono	UTC+02:00 [+]
	Nokia (Finnlando)
	Situo de Nokia
Alia projekto
	Vikimedia Komunejo Nokia, Finland [+]
	v • d • r

Vidu ankaŭ Nokia (kompanio)

Nokia estas urbo kaj komunumo en Finnlando, en distrikto Pirkanmaa - ĝis la jaro 2009 ĝi ankaŭ apartenis al lagubernio Okcidenta Finnlando. Laŭ la stato de 2024 en la komunumo vivis 35 730 loĝantoj sur areo de 288,3 kvadrataj kilometroj, kio rezultigas loĝdenson de 124 loĝantoj/km². El la areo 348 km² estas lagoj kaj riveroj konsistigas 59 km².

La komunumo estas fondita en 1922, kiam la komunumo Pirkkala estis dividita al du partoj, suda kaj norda. La norda parto, en 1938, ekuzis la nomon Nokia samtempe kiam ĝi fariĝis kampurbo kaj la suda proprigis al si la antaŭan nomon Pirkkala. En la 1970-aj jaroj la kamparaj komunumoj Tottijärvi kaj Suoniemi estis ligitaj al Nokia, kaj ĝia terspaco kreskis multe. Urban statuson la komunumo akiris en 1977. Vojoj kaj fervojo ligas la urbon al la najbara granda urbo Tampere.

Nokia estas industria loko. La vorto Nokia estas nuntempe pli bone konata kiel nomo de la granda telekomunika kompanio Nokia, kiu havas parton de siaj historiaj radikoj en la urbo. La plej granda labordonanto en la urbo estas pneŭmatiko-produkta firmao, kiu siatempe estis parto de la multbranĉa Nokia kaj uzis ties varmarkon, sed nun estas aparta kompanio kaj uzas, ekde 1995, la nomon kaj varmarkon Nokian. Post ĝi, la plej grandaj industriaj entreprenoj estas Sisu Diesel (motoroj, pumpiloj, intertransmisiiloj) kaj la molpapera fabriko, kiu iam apartenis al la Nokia-kompanio, sed nun estas posedata de Georgia-Pacific Nordic. La industriigon de la urbo grave helpis la torenta rivero Nokia, kiu provizis la unuajn fabrikojn per abunda energio pro 20-metra diferenco en la akvoniveloj. En la rivero plu funkcias elektrejo, kies maksimuma povumo estas 67 megavatoj.

La nomo Nokia

La vorto Nokia verŝajne venas el prafinna vorto nois (vortradiko noki-), kiu signifas nigran mustelon, pli precize marteson aŭ eble zibelon. Ankaŭ la blazono de la urbo, kun nigra marteso kuranta ĉe la rivero Nokia, estas bazita sur tiu interpreto pri graveco de felokomerco en la historio de Nokia.