Nordamerika arbopasero
Nordamerika arbopasero
| ||||||||||||||
| Biologia klasado | ||||||||||||||
| ||||||||||||||
| Spizelloides arborea (Wilson, 1810) | ||||||||||||||
| Konserva statuso | ||||||||||||||
Aliaj Vikimediaj projektoj
| ||||||||||||||
La Nordamerika arbopasero (Spizelloides arborea) estas mezgranda birdo de la grupo de la Amerikaj paseroj kaj genro Spizelloides. Ĝi estas la ununura membro de la genro Spizelloides. Ĝi estis iam klasita en la genro Spizella, sed molekula pruvaro sugestis lokon en ĝia propra genro.
Priskribo
[redakti | redakti fonton]Temas pri birdo 14 cm longa, 13-28 g peza, kaj kun 24 cm de enverguro. Plenkreskuloj havas ruĝecbrunan kronon kaj grizajn subajn partojn kun malgranda malhela makuleto bruste. Ili havas ruĝecbrunan dorson kun pli helaj strioj, brunajn flugilojn kun blankaj bendoj kaj svelta vosto. Ilia vizaĝo estas griza kun ruĝecbruna linio tra la okulo. Iliaj flankoj estas helbrunaj.
Ili estas iom similaj al la samfamilia, sed aligenra, Spizella passerina. Ilia reprodukta habitato estas tundro aŭ la nordaj limoj de boreala arbaro en Alasko kaj norda Kanado. Ili nestumas surgrunde. Tiuj birdoj migras en sudan Kanadon kaj Usonon por vintrumi. Tio okazas samtempe kun la Spizella passerina. Tiuj birdoj manĝas surgrunde aŭ en malaltaj arbustoj, ofte are se ne temas pri nestumado. Ili manĝas ĉefe semojn kaj insektojn, sed ankaŭ kelkajn berojn. Ili estas ofte videblaj ĉe birdomanĝejoj kun la vintrojunkulo.
Eksteraj ligiloj
[redakti | redakti fonton]- American tree sparrow species account - Cornell Lab of Ornithology
- American tree sparrow - Spizella arborea - USGS Patuxent Bird Identification InfoCenter
- En tiu ĉi artikolo estas uzita traduko de teksto el la artikolo American tree sparrow en la angla Vikipedio.
| ||||||||||||||||||