Steve Fossett
| Steve Fossett | |
|---|---|
| Persona informo | |
| Naskiĝo | 22-an de aprilo 1944 en Jackson |
| Morto | 3-an de septembro 2007 (63-jaraĝa) en Lima |
| Mortokialo | Aviadila akcidento |
| Lingvoj | angla |
| Ŝtataneco | Usono |
| Alma mater | Ĉefa Nacia Universitato de San Marcos Garden Grove High School (en) Universitato Stanford Olin Business School (en) |
| Okupo | |
| Okupo | esploristo entreprenisto sailor (en) montgrimpanto aŭtosportisto balonisto piloto financisto aventuristo |
| TTT | |
| Retejo | http://www.stevefossett.com/ |
Steve Fossett (naskiĝis la 22-an de aprilo 1944 en Jackson, Tennessee, Usono; malaperis la 3-an de septembro 2007 en la dezerto de Nevada) estis riĉega usonano.
Steve Fossett, kiu riĉegis pro financaj servoj, famiĝis pro siaj kvin senhaltaj mondĉirkaŭadoj: sola balone, ŝipe kaj sola avie. Li starigis 116 rekordojn pri malsamaj fakoj el kiuj 76 ankoraŭ nun (2007) validas.
Biografio
[redakti | redakti fonton]Fossett kreskis en Garden Grove en Kalifornio. En 1966 li diplomiĝis ĉe la Universitato Stanford kaj en 1968 ĉe la Olin School of Business de la Universitato Vaŝingtono en Sankta-Luizo, Misurio. Fosset poste vendis krudmaterialojn ĉe la borso en Ĉikago, kaj kreis sian propran entreprenon, Marathon Securities, kiu grandege sukcesis.
Eventoj
[redakti | redakti fonton]- La 21-an de februaro 1995 li transiris la Pacifikon per varmaera aerostato.
- La 10-an de oktobro 2001 li transiris rekorde la Atlantikon per velŝipo, katamarano Play-Station, post 4 tagoj, 17 horoj, 28 minutoj kaj 6 sekundoj. La saman jaron li starigis rekordon pri ĉirkaŭado de la insulo Wight kaj en 2002 per la sama ŝipo pri la ĉirkaŭado de la britaj insuloj.
- La 2-an de julio 2002 li ĉirkaŭiris Aŭstralion la unua sola balone kaj senhalte dum 14 tagoj.
- La 27-an de oktobro 2004 li starigis rapidecrekordon de direktigebla balono kun 111,8 km/hore.
- En 2005 ŝipestro de la velŝipo Cheyenne li starigis mondan rekordon pri ĉirkaŭnavigaciado.
- La 3-an de marto 2005 li, unua kaj sola, sukcesis mondan ĉirkaŭadon per avio senhalte per sia eksperimenta avio Virgin Atlantic GlobalFlyer post 67 horoj kaj 1 minuto. Li flugis deokcidente orienten por utiligi la ĉefajn ventojn.
- La 11-an de februaro 2006 li starigis rekordon de la plej longa senhalta aviflugo kun 12.450 km. Forfluginte el Florido per sia avio Global Flyer li surteriĝis sur la flughaveno de Bournemouth, Britio, post vojaĝo deokcidente al oriento kaj du transflugoj de Atlantiko.
- La 29-an de aŭgusto 2006 li batas la pasintan altecrekordon per glisilo kun Einar Enevoldson super la Andoj dum flugo de kvar horoj kaj duono. Ili atingis altecon je 15.447 metroj dum la temperaturo estis 57°.
Malaperinte
[redakti | redakti fonton]Steve Fossett malaperis lundon, la 3-an de septembro 2007. Je 8:45 matene li ekflugis de la Barron Hiltons Flying-M Ranch, ĉirkaŭ 130 km sudoriente de Reno, Nevado, per malpeza avio de tipo Super Decathlon de AviaBellanca Aircraft Corporation. Li flugis suden serĉante sekajn riverojn. Li havis fuelon por kvar aŭ kvinhoran flugon. Ĉirkaŭ ses horojn post la ekflugo amiko deklaris lin malaperinta. Oni ne ricevis mesaĝon de la instalita avertilo.[1]
Oni traserĉis komence 1.500 km² regionon, kiu estis pligrandigita al 25.000 km² la 6-an de septembro. La 17-an de septembro 2007 la Civil Air Patrol en Nevada haltigis grandparte la serĉadon. Intertempe retumantoj povas helpi pri la serĉado de la avio danke al kromprogramo de Google Earth kaj aktualaj satelitbildoj[2]. Pli ol 50.000 personoj partoprenis tiun serĉadon.
La 19-an de septembro 2007 la aŭtoritatoj haltigis la aktivajn serĉojn, sed diris ke avioj pretas kaze de novaj fidindaj indikoj pri lokalizo de la miliardulo. Oni deklaris lin morta je la 15-a de februaro 2008.
Montogrimpanto trovis lian stiristajn identigilojn (por aŭtomobilo kaj aviadilo), monon, puloveron en monto Mammoth Lakes en Kalifornio, la 1-an de oktobro 2008. Oni trovis ankaŭ restaĵojn de la aviadilo 500 metrojn de la identigiloj. Tiu loko situas 80 km sude de la ekflugejo.
Bibliografio
[redakti | redakti fonton]- Steve Fossett, Mes 116 records du monde, en mer et dans les cieux, Éditions Scali, 2007, ISBN|978-2-35012-071-3
Eksteraj ligiloj
[redakti | redakti fonton]- Referencoj
- ↑ Search continues for aviation adventurer Steve Fossett, CNN, 4-an de septembro 2007
- ↑ SAR@Home: Verteilte Suche nach Steve Fossett. Arkivigite je 2007-09-13 per la retarkivo Wayback Machine Ĉe heise online, 10-an de septembro 2007