Popoldemokratia Respubliko Etiopio
| Popoldemokratia Respubliko Etiopio | |||||||||
| |||||||||
|
|
| ||||||||
| historia lando | |||||||||
|---|---|---|---|---|---|---|---|---|---|
| Geografio
| |||||||||
| Ĉefurbo: | |||||||||
| Loĝantaro | |||||||||
Kvanto de loĝantoj:
|
51 666 622
| ||||||||
| Ŝtat-strukturo | |||||||||
| |||||||||
La Popoldemokratia Respubliko Etiopio (PDRE) estis la oficiala nomo de Etiopio el 1987 al 1991, establita fare de la komunisma registaro de Mengistu Haile Mariam kaj la Partio de la Laboristoj de Etiopio (PLE). Ties kreado kondukis al la dissolvo de la "Derg", nome militista junto iame zorge de la lando. Anstataŭis ĝin socialisma unupartia ŝtato kun la PLE kiel plej supra aŭtoritato, kvankam la estraro de la PLE estis dominata de la survivintaj membroj de la Derg.
Post kvin jaroj de preparado, socialisma ŝtato estis oficiale proklamita en 1984, kaj la PLE estis formita kiel la ununura laŭleĝa partio en la lando. Ĝi estis marksisma-leninisma avangarda politika partio modele laŭ ties partneroj en Eŭropo. La PDRE oficiale ekis en la 22a de februaro 1987, nome tri semajnojn post la nacia referendumo kiu aprobis la konstitucion de 1987, kvankam la Derg restis en povo tiom malfrue kiom ĝis Septembro, longe post la balotado de 14a de junio 1987, kiu elektis la membraron de la Ŝengo.[1]
La PLE ricevis oficiale la monopolon de la povo kiel "ĉefa forto en la ŝtato kaj la socio." La registaro estis tre centrigita kaj por ĉiaj intencoj kaj celoj funkciis pure kiel transmisia zono por la partio.
Laŭlonge de sia mallonga vivo, la aŭtoritato de la PDRE estis defiita ne nur fare de armitaj aktivuloj en Eritreo, kiu estis aligita en Etiopion kelkajn jardekojn antaŭe, sed ankaŭ de internaj rezistaj grupoj, ĉefe de la Popola Liberiga Fronto de Tigrajo, en la Etiopia Enlanda Milito.
La PDRE finiĝis en Majo 1991, kiam Mengistu eliris el Etiopio kaj militistaj unuoj de la Etiopia Popola Revolucia Demokratia Fronto eniris en Adis-Abebon.
Prezidentoj
[redakti | redakti fonton]- Mengistu Haile Mariam (10a de septembro 1987 – 21a de majo 1991)
- Tesfaje Gebre Kidan (funkcie; 21a de majo 1991 – 28a de majo 1991)
Ĉefministroj
[redakti | redakti fonton]- Fikre Selassie Ŭogderess (10a de Septembro, 1987 – 8a de Novembro, 1989)
- Hailu Jimenu (funkcie; 8a de novembro 1989 – 26a de aprilo 1991)
- Tesfaje Dinka (funkcie; 26a de aprilo, 1991 – 6a de junio 1991)
Notoj
[redakti | redakti fonton]- ↑ Ethiopia Parliamentary Chamber: Elections held in 1995, PARLINE database (alirita la 20an de oktobro 2009)