Revista Epale
Agjencia Kombëtare e Arsimit, Formimit Profesional dhe Kualifikimeve (AKAFPK) është një institucion shtetëror në varësi të Ministrisë së Ekonomisë, Kulturës dhe Inovacionit (MEKI), puna dhe suksesi i të cilit lidhet ngushtë me mënyrën e konceptimit të sistemit të Arsimit dhe Formimit Profesional (AFP) në tërësi.Misioni i saj është mbështetja në zhvillimin e AFP-së në Shqipëri, në përputhje me standardet Evropiane. Në vitin 2017 filloi procesi I referencimit të Kornizës Shqiptare të Kualifikimeve me Kornizën Europiane të Kualifikimeve. Në fillim u ngrit Task Force me bashkëdrejtues Znj. Ejvis Gishti,Drejtor i Përgjithshëm i Agjencisë Kombëtare të Arsimit, Formimit Profesional dhe Kualifikimeve dhe Znj Linda Pustina, Koordinatore në Departamentin e Zhvillimit të Mirëqenies pranë Këshillit të Ministrave.Të unifikosh cilësinë e Kualifikimeve me Europën është sfida e vështirë për Arsimin Shqiptar. Ndër vite janë organizuar takime të shumta duke synuar rritjen e ndërveprimit midis aktorëve të ndryshëm nëprocesin e referencimit, duke sjelle përvojën e vendeve të tjera që kane kaluar tashmë në këtë process si dhe janë shpërndarë informacione për kriteret, procedurat dhe hapat që duhet të ndiqen për një përfundim të suksesshëm të procesit.Ekspertë ndërkombëtare janë kontraktuar për të dhënë ekspertizën e tyre duke I dhënë një vlerë të shtuar procesit si dhe njëkontribut të cmuar në konsolidimin e raportit të referencimit.