Haarlim
Haarlim is in stêd en gemeente yn de regio Súd-Kinmerlân en de haadstêd fan de Nederlânske provinsje Noard-Hollân. Yn 2009 wennen der likernôch 148.000 minsken yn de gemeente en is dêrmei de twadgrutste stêd fan Noard-Hollân nei Amsterdam. De stêd leit oan de rivier de Spaarne.
Skiednis
De stêd is ûnstean om 900 hinne en krige stedsrjochten yn 1245. Yn de 15e ieu hie de ekonomy fan Haarlim leien fan de frijheidsstriid fan West-Fryslân tsjin de greven fan Hollân. Yn 1572 keas de stêd yn de Tachtichjierrige Kriich de kant fan Willem fan Oranje en tsjin de Spaanske kening. Yn juny 1573 joech de stêd belies en as straf ûnthalzen de Spanjaarden 700 man dy't de stêd ferdigene hienen. Yn 1577 lutsen de Spanjerts har werom en dêrnei gong it stadichoan wer better mei de ekonomy. Dat hie ek te krijen mei de trekfearten nei Amsterdam en Leien. Oan de ein fan de 17e ieu wennen der 55.000 minsken yn Haarlim en wie ien fan de grutste stêden fan Hollân. Nei 1680 gong it lykwols minder mei de tekstylniverheid. Yn 1815 wennen der krapoan 20.000 minsken. It earste treinspoar yn Nederlân rûn fan Amsterdam nei Haarlim en waard op 1839 iepene. Yn 1843 waard dat spoar ferlinge nei Leien.
Ferneamde ynwenners
- Nicolaas Beets, skriuwer
Keppeling om utens
- Webside fan de gemeente Haarlim Nederlânsk