1765

26 - 27 jen : bonbardman di Larache.

1765 sa roun lannen koumin ki ka koumansé oun mardi.

Évènman

• 23 janvyé : commodore John Byron ka pran posésyon dé zil Malwinn o non di lirwè George III di Rwayonm-Ini.

• 3 mè : koumansman di gouvèlman di Robert Clive o Bengal (finisman 20 janvyé 1767).

• Mè : Sikh-ya ka tchipé Lahore.

• 2 - 17 jen : roun lèskad fransé, ki koumandé pa kont-a di Chaffault ka bonbardé Salé an réprésyon kont priz-ya di navir marchan pa kòrsèr-ya.

• 26 - 27 jen : bonbardman di Larache pa marin fransé-a, ki ka sibi di lou pèrt.

• 12 out : an Lenn, Robert Clive ka signen trété-a d’Allahabad ké lanprò moghol-a Shah Alam II, gras okèl Gran-Brétangn ka òbténi kolèk-a dé zenpo o Bengal, an Orissa é o Bihar, alò ki nabab-ya ka konsèrvé défans-a ké lajistis-a. Britannik-ya sa an konfli ké Mysore, Marat-ya, ké Hyderabad jouk 1782.

• 10 ògtòb : sispansyon di zarm ant Lafrans ké Maròk, ki signen atè Mogador pa Moulay Driss, minis ké kouzen di soultan Mohammed III ké Jean-Jacques Salva, roun négosyan fransé ki établi atè Safi.