Néalríomhaireacht

Meafar néalríomhaireachta: ní gá d'úsáideoirí aghaidh a thabhairt ar an ngrúpa eilimintí líonraithe a sholáthraíonn seirbhísí nó iad a bhainistiú ina n-aonar; ina ionad sin, is féidir an tsraith iomlán crua - earraí agus bogearraí atá á mbainistiú ag soláthraithe a mheas mar scamall éagruthach.

Tagraíonn néalríomhaireacht d’úsáid an idirlín ag comhlachtaí móra ríomhaireachta le seirbhísí a chur ar fáil a bhíonn á gcur ar fáil ag LAN de ghnáth.

Na comhlachtaí a bhíonn ag tacú le seirbhísí néalríomhaireachta, déanfaidh siad sin de ghnáth trí úsáid a bhaint as braislí freastalaithe (ionad lárnach ríomhaireachta a bhfuil a lán freastalaithe comhad comhcheangailte ann) leis na seirbhísí a óstáil a chuireann siad ar fáil d’eagraíochtaí eile atá ábalta na seirbhísí seo a rochtain ó aon ríomhaire fóirsteanach a bhfuil ceangal idirlín aige. Ní gá go mbeadh aon sonraí a úsáidtear stóráilte go háitiúil agus is annamh a bhíonn úsáideoirí na seirbhísí néalríomhaireachta ar an eolas faoin áit a bhfuil na bogearraí atá in úsáid acu nó an freastalaí a úsáidtear lena gcuid sonraí a stóráil lonnaithe.

Aon néal poiblí cosúil leis an cheann seo, seans maith go mbeadh sraith d’ionaid sonraí aige ag suíomhanna fisiceacha difriúla. Gach suíomh tíreolaíoch, d’fhéadfadh sé a lán freastalaithe, gaireas stórála ríomhaire agus comhpháirteanna eile a bheith aige atá in úsáid le tacú leis na seirbhísí atá á chur ar fáil ag an tSolathraí Néalríomhaireachta.

Braitheann néalríomhaireacht ar acmhainní a roinnt chun comhleanúnachais a bhaint amach agus de ghnáth úsáideann sí samhail íoc mar a úsáidtear, a d’fhéadfadh cabhrú le costais chaipitiúla a laghdú ach a bhféadfadh costais oibriúcháin gan choinne a bheith mar thoradh orthu freisin d’úsáideoirí.