Joseph Ebuya
Joseph Ebuya, nado o 20 de xuño de 1987 en Nyandarua, é un atleta queniano especializado en longas distancias e no cross.
Traxectoria
Atleta de pista, os seus éxitos internacionais comezan nos Xogos da Commonwealth de 2006, en Melbourne, onde queda cuarto na proba dos 10.000 m. Ese mesmo ano obtivo a medalla de prata nos 10.000 e a de bronce nos 5.000 m nos mundiais junior de Beixín. Ao ano seguinte participa en distintas probas do circuíto comercial, pero nos mundiais de Osaka de pista non consegue meterse na final dos 5.000.
En 2008 nos mundiais de cross de Edimburgo ocupa a cuarta praza, e obtén o ouro por equipos coa selección queniana.