Bebel García

Bebel García
	;
Biografía
Nacemento	1914 ; Ribadeo, España
Morte	29 de xullo de 1936 (21/22 anos); Parque Punta Herminia, España
Causa da morte	pena de morte, ferida por arma de fogo
Actividade
Ocupación	futbolista
Membro de	Juventudes Socialistas Unificadas
Deporte	fútbol
Posición de xogo	Defensa
1932–1934
Traxectoria
Familia
Pai	José García Iglesias
Irmáns	France García García; Pepín García García

Bebel García García, nado en Ribadeo en 1914 e finado na Coruña o 29 de xullo de 1936, foi un futbolista e político galego.^[1]

Traxectoria

Fillo de José García Iglesias, naceu en Ribadeo, trasladándose logo coa súa familia á Coruña, onde el e os seus sete irmáns eran coñecidos como "Os da lexía", porque seu pai montou na cidade un negocio de fabricación e venda de lixivia.^[2] Ademais do negocio familiar adicouse ao fútbol, debutando no Deportivo da Coruña en setembro de 1932, no primeiro partido da tempada 1932/33 do Campionato de Galicia, que enfrontaba no campo de Riazor ao equipo coruñés co Eiriña.^[3]^[4] Disputou esa tempada e outra máis co equipo herculino, despois xogou co Club Coruña e logo pasou polo Granada, chamado por aquel entón Recreativo Granada.^[5] En 1935 volveu finalmente ao Deportivo.

Militante das Juventudes Socialistas da Coruña, incorporouse ás Juventudes Socialistas Unificadas. Coa sublevación do 18 de xullo de 1936 participou na defensa da cidade da Coruña fronte aos sublevados, transportando milicianos a puntos defensivos e levando feridos e alimentos ao hospital Labaca.^[2] Foi detido o 25 de xullo en Guitiriz, cando tentaba chegar a Asturias, e encarcerado na prisión provincial da Coruña. Xulgado por rebelión militar, foi condenado a pena de morte e executado en Punta Herminia xunto co seu irmán France.^[6]^[7] Un terceiro irmán, Jaurés, tamén foi encarcerado, e aínda que non foi fusilado nun principio por ser menor de idade, finalmente apareceu morto no Campo da Rata, mentres o trasladaban de prisión.^[2]^[8] Pepín, outro dos irmáns, foi xulgado por sedición, pero conseguiu fuxir, uniuse á loita contra as tropas franquistas, perdeu unha perna na batalla de Brunete e finalmente exiliouse na Arxentina.^[9]

Enterramento

Unha investigación realizada por Rubem Centeno concluíu que os seus restos foron depositados nunha foxa común do cemiterio de Santo Amaro da Coruña. Nesa foxa guindáronse os cadáveres doutras duascentas cincuenta persoas, paseadas no Campo da Rata da Coruña entre agosto de 1936 e os primeiros meses do 1937.^[10]

Recoñecementos

Eduardo Galeano adicoulle un relato dentro do seu libro Espejos. Una historia casi universal, en 2008.^[11]^[12]^[13] A coruñesa rúa "Hermanos de la Lejía" chámase así en memoria de Bebel e os seus irmáns.^[2]^[14]

No verán de 2018 a Asociación Cultural Xermolos, de Guitiriz rendeulles homenaxe cunha serie de actos, entre eles a inauguración dunha escultura conmemorativa na parroquia de Santa Mariña, realizada polo escultor Xosé Val Díaz.^[15]^[16]^[17]

Monumento aos represaliados polo franquismo.

Notas

↑ Ventureira, Rubén: "Bebel García era un destacado socialista. «Muy buen chico y buen delantero», recuerda García Vizoso, que jugó con él" La Voz de Galicia, 24/9/2008 (en castelán).
↑ ^2,0 ^2,1 ^2,2 ^2,3 "Un partido de fútbol homenaxeará a Bebel, "zurdo para xogar e para pensar"". 17 de agosto de 2018. Consultado o 27 de marzo de 2020.
↑ "Gana el Deportivo al Eiriña". La Voz de Galicia (en castelán). 20 de setembro de 1932. p. 7.
↑ "El campeonato gallego". La Zarpa (en castelán). 20 de setembro de 1932. Consultado o 27 de maio de 2020.
↑ "Los jugadores con que cuenta el Coruña". El Pueblo Gallego (en castelán) (3265). 19 de setembro de 1934. p. 4. Consultado o 16 de setembro de 2021.
↑ "Tres fusilamientos en Adormideras". La Voz de Galicia (en castelán). 30 de xullo de 1936. p. 1.
↑ "En La Coruña - Fusilamientos". El Compostelano (en castelán). 30 de xullo de 1936. p. 1. Consultado o 27 de maio de 2020.
↑ "Los hermanos de la Lejía, referente histórico del socialismo coruñés" (en castelán). 2 de marzo de 2002. Consultado o 27 de marzo de 2020.
↑ "En memoria de Pepín de la Lejía". La Opinión A Coruña (en castelán). 18 de agosto de 2018. Consultado o 27 de marzo de 2020.
↑ "As foxas comúns da Coruña: unha investigación localiza os restos de 250 asasinados polo franquismo". Praza Pública. 12/10/2024. Consultado o 13/10/2024.
↑ "Galeano dedica un relato a un deportivista fusilado en 1936". La Voz de Galicia (en castelán). 2008-09-24. Consultado o 2019-03-22.
↑ 1940-2015., Galeano, Eduardo, (2008). Espejos : una historia casi universal (1ª ed.). Madrid: Siglo XXI de España. ISBN 9788432313141. OCLC 221866147.
↑ "“Última voluntad”". Memoria do cárcere A Coruña. 8 de febreiro de 2016. Arquivado dende o orixinal o 22 de marzo de 2019. Consultado o 22 de marzo de 2019.
↑ "Calle Hermanos de la Lejía" (en castelán). Consultado o 27 de marzo de 2020.
↑ "En memoria dos Irmáns da Lexía". La Voz de Galicia (en castelán). 26 de agosto de 2018.
↑ "Guitiriz erixirá un monolito en honor a 'Os da lexía'". Xornal de Lugo. 27 de xullo de 2018. Arquivado dende o orixinal o 22 de marzo de 2019. Consultado o 22 de marzo de 2019.
↑ Río, Raúl (15 de agosto de 2018). "Alfonso Blanco Torrado e os Irmáns da Lexía". GaliciaDigital.

Véxase tamén

Bibliografía

Lamela García, Luís (2002). A Coruña, 1936. Memoria convulsa de una represión, Ediciós do Castro.

Outros artigos

José García García

Ligazóns externas

Fernández, Carlos (2 de marzo de 2002). "Los hermanos de la Lejía, referente histórico del socialismo coruñés". La Voz de Galicia. Arquivado dende o orixinal o 01/02/2016. Consultado o 02/02/2016. (en castelán).

[1] Ventureira, Rubén: "Bebel García era un destacado socialista. «Muy buen chico y buen delantero», recuerda García Vizoso, que jugó con él" La Voz de Galicia, 24/9/2008 (en castelán).

[:1-2] 2,0 ^2,1 ^2,2 ^2,3 "Un partido de fútbol homenaxeará a Bebel, "zurdo para xogar e para pensar"". 17 de agosto de 2018. Consultado o 27 de marzo de 2020.

[3] "Gana el Deportivo al Eiriña". La Voz de Galicia (en castelán). 20 de setembro de 1932. p. 7.

[4] "El campeonato gallego". La Zarpa (en castelán). 20 de setembro de 1932. Consultado o 27 de maio de 2020.

[5] "Los jugadores con que cuenta el Coruña". El Pueblo Gallego (en castelán) (3265). 19 de setembro de 1934. p. 4. Consultado o 16 de setembro de 2021.

[6] "Tres fusilamientos en Adormideras". La Voz de Galicia (en castelán). 30 de xullo de 1936. p. 1.

[7] "En La Coruña - Fusilamientos". El Compostelano (en castelán). 30 de xullo de 1936. p. 1. Consultado o 27 de maio de 2020.

[8] "Los hermanos de la Lejía, referente histórico del socialismo coruñés" (en castelán). 2 de marzo de 2002. Consultado o 27 de marzo de 2020.

[9] "En memoria de Pepín de la Lejía". La Opinión A Coruña (en castelán). 18 de agosto de 2018. Consultado o 27 de marzo de 2020.

[10] "As foxas comúns da Coruña: unha investigación localiza os restos de 250 asasinados polo franquismo". Praza Pública. 12/10/2024. Consultado o 13/10/2024.

[11] "Galeano dedica un relato a un deportivista fusilado en 1936". La Voz de Galicia (en castelán). 2008-09-24. Consultado o 2019-03-22.

[12] 1940-2015., Galeano, Eduardo, (2008). Espejos : una historia casi universal (1ª ed.). Madrid: Siglo XXI de España. ISBN 9788432313141. OCLC 221866147.

[13] "“Última voluntad”". Memoria do cárcere A Coruña. 8 de febreiro de 2016. Arquivado dende o orixinal o 22 de marzo de 2019. Consultado o 22 de marzo de 2019.

[14] "Calle Hermanos de la Lejía" (en castelán). Consultado o 27 de marzo de 2020.

[:0-15] "En memoria dos Irmáns da Lexía". La Voz de Galicia (en castelán). 26 de agosto de 2018.

[16] "Guitiriz erixirá un monolito en honor a 'Os da lexía'". Xornal de Lugo. 27 de xullo de 2018. Arquivado dende o orixinal o 22 de marzo de 2019. Consultado o 22 de marzo de 2019.

[17] Río, Raúl (15 de agosto de 2018). "Alfonso Blanco Torrado e os Irmáns da Lexía". GaliciaDigital.

[1]

[2]

[3]

[4]

[5]

[6]

[7]

[8]

[9]

[10]

[11]

[12]

[13]

[14]

[15]

[16]

[17]