Gran Premio de Singapur de 2015

Gran Premio de Singapur de 2015

(2015)
Nome oficial	2015 Formula 1 Singapore Airlines Singapore Grand Prix
Tipo	Gran Premio de España
Deporte	automobilismo
Parte de	Campionato Mundial de Fórmula 1 de 2015
Distancia do evento	61
Localización  e  Datas
Localización	Circuíto urbano de Singapur 1°17′29″N 103°51′51″L
País	Singapur
Data	20 de setembro de 2015
Competición
Primeiro posto	Nikita Mazepin
Pole position	Sebastian Vettel
Volta máis rápida	Daniel Ricciardo

O Gran Premio de Singapur de 2015, formalmente 2015 Formula 1 Singapore Airlines Singapore Grand Prix, foi unha carreira de Fórmula Un, que se celebrou o 20 de setembro de 2015 no Circuíto urbano de Marina Bay de Singapur. Foi a décima terceira carreira da tempada de Fórmula Un de 2015.

Cualificación

As eliminatorias constaron de tres partes de 18, 15 e 12 minutos de duración, respectivamente, con cinco pilotos eliminados da competición logo de cada unha das dúas primeiras sesións. Durante a primeira parte da cualificación, só os Ferrari foron o suficientemente rápidos para facelo cos pneumáticos máis lentos, máis duras, mentres que o resto dos equipos necesitaron montar o composto super brando. Daniil Kvyat encabezou a sesión cun tempo de 1:45.340. Pastor Maldonado foi eliminado, xa que só os dous Manor-Marussias, estaban aínda máis fóra de ritmo, como de costume. Ambos Lotus tamén foron eliminados para a Q2, cando Jenson Button foi o último de establecer unha volta rápida, superando a Felipe Nasr por menos dunha décima de segundo.}

Vettel marcou o mellor tempo na segunda parte da cualificación, sendo dúas décimas máis rápido que o segundo clasificado, Daniil Kvyat. Mentres Max Verstappen logrou entrar na Q3, o seu compañeiro de equipo Carlos Sainz golpeou o muro, danando a súa suspensión e o alerón dianteiro, deixando restos na pista. A sesión terminou con bandeiras amarelas, os dous Force India e os dous McLaren uníronse a Sainz na eliminación, con Nico Hülkenberg máis rápido en undécima posición da grella.

Ao comezo da Q3, Lewis Hamilton abortou a súa primeira volta rápida. Mercedes parecía loitar máis no último sector, onde Hamilton perdeu medio segundo co Red Bull de Kvyat. Hamilton indicou máis adiante que o equipo tivo problemas para xerar temperatura nos pneumáticos, esencial para o último sector que beneficia a alta tracción. Foi Sebastian Vettel, quen logrou a pole position, logo de liderar todos os sectores da cualificación, por diante de Daniel Ricciardo, que perdeu tempo no primeiro sector logo de ter que frear cando Vallteri Bottas estaba fronte del. O outro Ferrari e Red Bull de Räikkönen e Kvyat lograron a terceira e cuarta posición da grella respectivamente, seguidos dos dous Mercedes, que eran un segundo e medio máis lento que o tempo da pole de Vettel de 1'43.885. Esta foi a primeira pole para Ferrari desde o Gran Premio de Alemaña de 2012, a primeira en condicións secas durante cinco anos, e tamén impediu que Lewis Hamilton igualara a marca do seu ídolo Ayrton Senna de oito poles consecutivas. a pole de Vettel tamén puxo fin á longa racha de 23 poles para Mercedes, e foi a primeira vez desde o comezo da tempada 2014 que o primeiro lugar na grella non foi lograda por un coche con motor Mercedes.

Carreira

Lewis Hamilton retirouse dunha carreira por primeira vez desde o Gran Premio de Bélxica de 2014

Antes da volta de formación, Rosberg parecía ter un problema co seu coche, cando se detivo ao final da rúa de boxes no camiño á grella de saída. Con todo, os seus mecánicos foron capaces de arranxar o problema, descrito por Niki Lauda como "un problema técnico", e saíu na grella. Con todo o mundo iniciando a carreira co composto super brando dos pneumáticos, esperábase unha carreira con dúas paradas en boxes para a maioría dos pilotos. No comezo, todos os pilotos da parte dianteira mantiveron as súas posicións, mentres que máis atrás, Nico Hülkenberg, que tivo un bo comezo, e Sergio Pérez case chocaron mentres loitaban pola posición. O Toro Rosso de Max Verstappen quedou parado na grella e foi empuxado para volver a boxes, só para empezar a súa carreira desde alí, máis dunha volta atrás aos líderes. Vettel foi capaz de abrir un espazo con Ricciado detrás de el rapidamente, liderando sobre os Red Bull por tres segundos logo da primeira volta. Fernando Alonso, que fixera un bo comezo para subir ao undécimo posto, caeu baixo a presión de Carlos Sainz na volta catro, seguido de Grosjean, que perdera posicións na saída porque tivo que esquivar ao parado Verstappen. A vantaxe de Vettel era de cinco segundos na volta cinco. Mentres tanto, Nico Rosberg mantivo baixo control aos dous Williams de Bottas e Massa. Na volta dez, Grosjean converteuse no primeiro piloto en entrar en boxes. Máis coches entraron na volta once, á circulación densa impediu a Sainz e Alonso saír dos seus Boxes rapidamente. Alonso saíu do pit lane por diante de Grosjean, que pasou xunto a el na posición 13. Felipe Massa tivo unha parada lenta de 4´8 segundos cando parou na volta 13. Cando saíu do pit lane, Nico Hülkenberg achegábase pola trazada. Ambos pilotos chocaron e Hülkenberg se catapultou co pneumático dianteiro dereito de Massa, o que lle provocou a retirada da carreira. Provocouse un coche de seguridade virtual, entraron a boxes todos os pilotos que non o fixeron antes. Kvyat entrara pouco antes de que se despregara o coche de seguridade, ambos Mercedes foron capaces de pasalo, deixando ao ruso no sexto lugar. A parada de Jenson Button levou moito tempo, deixándoo no posto 16. Na volta 16, o coche virtual substituíuse polo coche de seguridade real, que se mantivo ata o final da volta 18.

Sebastian Vettel gañou a carreira coa Scuderia Ferrari.

Na reanudación, o coche de Sainz quedou atascado na marcha neutral, perdendo moitos lugares e caendo de novo á posición 18, pero foi quen de seguir adiante. O coche de seguridade permitira ao seu compañeiro de equipo Verstappen situarse máis preto do grupo. As seguintes voltas viron establecer a Vettel un ritmo constante na parte dianteira para conservar os seus pneumáticos. Na volta 26, Hamilton rexistrou unha perda de potencia no seu coche e comezou a perder posicións rapidamente, caendo de novo a noveno posto na volta 28, para retirarse na volta 33. Mentres tanto, Felipe Massa tamén tivo problemas co seu coche. Algo similar a Sainz, o seu coche quedou en punto morto. Logo de pilotar a través do pit lane sen parar na volta 30, retirouse unha volta máis tarde, Fernando Alonso tamén puxo fin á súa carreira na volta 34 coa caixa de cambios avariada. Na mesma volta, Daniil Kvyat chegou na súa segunda parada en boxes, pero problemas cos pneumáticos fixéronlle perder posicións mentres se deixaba caer de novo a noveno posto. No mesmo momento, Vettel estaba sostendo unha marxe de cinco segundos de vantaxe sobre Ricciardo, mentres que Pérez superou a Grosjean no noveno lugar na volta 36.

Un segundo coche de seguridade saíu á pista na volta 37 provocado por un home camiñando pola pista. Varios pilotos aproveitaron novamente o coche de seguridade para entrar en boxes para cambiar os pneumáticos, entre eles Jenson Button, que xurdiu no décimo lugar. Na volta 40, o novato Alejandro Rossi recibiu instrucións de desdobrarse a si mesmo detrás do coche de seguridade, pero non o fixo nun tempo aceptable e a carreira reiniciouse na volta 41, con Rossi atrapado entre os pilotos de cabeza. Na volta 42, Button estaba disputando a posición con Pastor Maldonado, cando ambos chocaron, danando o alerón dianteiro de Button, que foi obrigado a entrar en boxes para cambialo. Na volta 45, Max Verstappen, que se empezar cunha volta perdida, subiu ao noveno lugar e estableceu a nova volta rápida da carreira. Unha volta máis tarde, tomou o oitavo lugar de Grosjean. O seu compañeiro de equipo Sainz seguiuno dúas voltas máis tarde. Mentres tanto, na fronte, Ricciardo fixo unha volta máis rápida na volta 51, quedando a 2´9 segundos por detrás de Vettel. A volta 53 viu retirarse a Jenson Button no segundo McLaren, que tamén sufriu un problema na caixa de cambios. Durante as voltas finais da carreira, Valtteri Bottas quinto tivo problemas co cambio, pero puido continuar. Na volta 60, Grosjean saíuse e permitiu que Felipe Nasr lograra anotar o punto final, décimo. Durante a última volta, Toro Rosso pediu a Verstappen que deixara pasar ao seu compañeiro de equipo Sainz ao oitavo posto, pero o mozo holandés negouse e quedou no seu lugar. Sebastian Vettel cruzou a meta gañando a carreira, que tivo todo o lapso permitido de dúas horas.

Post carreira

Sobre o espontáneo na pista, Sebastian Vettel declarou na roda de prensa posterior á carreira que o viu tomar unha foto, e continuou: "Espero que fora unha boa idea polo menos espero que fora unha boa foto. Si, unha tolemia, achegámosnos/achegámonos a esa curva ao redor de 280 ou 290 km./h.! Non sei, eu non cruzaría a pista se eu fose el. foi unha tolemia, obviamente, [...] ". O espontáneo resultou ser o cidadán británico de 27 anos idade Yogvitam Pravin Dhokia. Compareceu ante a corte o martes logo da carreira e pedíuselle unha fianza de 15.000 S$ (9.400 euros), que foi incapaz de pagar. Informouse que o home podería enfrontarse a unha pena de prisión de ata seis meses..

Nico Rosberg foi cuarto no Mercedes

Durante a carreira, os comisarios sancionaron a Nico Hülkenberg cunha penalización de tres posicións para a seguinte carreira no Xapón por causar a colisión con Felipe Massa na volta 14. Hülkenberg estaba "frustrado" coa decisión, dicindo: "O accidente con Felipe foi moi mala sorte e eu non entendo por que me penalizaron antes de ter a oportunidade de discutir o incidente na oficina dos comisarios [...] Na miña opinión, é a miña curva e Felipe sorpréndeme saíndo dela demasiado tarde, encerrándome xusto antes de darme conta." Massa tiña unha visión diferente sobre o incidente, dicindo: "Eu estaba freando na curva e dirixiu o seu coche contra o meu, e deixoume sen un lugar onde ir, así que batemos." Force India decidiu non apelar a decisión.

Clasificación

Cualificación

Pos.	Nº	Piloto	Construtor	Q1	Q2	Q3	Grella
1	5	Sebastian Vettel	Ferrari	1:46.017	1:44.743	1:43.885	1
2	3	Daniel Ricciardo	Red Bull-Renault	1:46.166	1:45.291	1:44.428	2
3	7	Kimi Räikkönen	Ferrari	1:46.467	1:45.140	1:44.667	3
4	26	Daniil Kvyat	Red Bull-Renault	1:45.340	1:44.979	1:44.745	4
5	44	Lewis Hamilton	Mercedes	1:45.765	1:45.650	1:45.300	5
6	6	Nico Rosberg	Mercedes	1:46.201	1:45.653	1:45.415	6
7	77	Valtteri Bottas	Williams-Mercedes	1:46.231	1:45.887	1:45.676	7
8	33	Max Verstappen	Toro Rosso-Renault	1:46.483	1:45.635	1:45.798	8
9	19	Felipe Massa	Williams-Mercedes	1:46.879	1:45.701	1:46.077	9
10	8	Romain Grosjean	Lotus-Mercedes	1:46.860	1:45.805	1:46.413	10
11	27	Nico Hülkenberg	Force India-Mercedes	1:46.669	1:46.305		11
12	14	Fernando Alonso	McLaren-Honda	1:46.600	1:46.328		12
13	11	Sergio Pérez	Force India-Mercedes	1:46.576	1:46.385		13
14	55	Carlos Sainz	Toro Rosso-Renault	1:46.465	1:46.894		14
15	22	Jenson Button	McLaren-Honda	1:45.891	1:47.019		15
16	12	Felipe Nasr	Sauber-Ferrari	1:46.965			16
17	9	Marcus Ericsson	Sauber-Ferrari	1:47.088			17
18	13	Pastor Maldonado	Lotus-Mercedes	1:47.323			18
19	28	Will Stevens	Marussia-Ferrari	1:51.021			19
20	53	Alexander Rossi	Marussia-Ferrari	1:51.523			20
107% tempo: 1:52.714
Fonte:

Carreira

Pos.	Nº	Piloto	Construtor	voltas	Tempo/Retirada	Grell	Pts.
1	5	Sebastian Vettel	Ferrari	61	2:01:22.118	1	25
2	3	Daniel Ricciardo	Red Bull-Renault	61	+1.478	2	18
3	7	Kimi Räikkönen	Ferrari	61	+17.154	3	15
4	6	Nico Rosberg	Mercedes	61	+24.720	6	12
5	77	Valtteri Bottas	Williams-Mercedes	61	+34.204	7	10
6	26	Daniil Kvyat	Red Bull-Renault	61	+35.508	4	8
7	11	Sergio Pérez	Force India-Mercedes	61	+50.836	13	6
8	33	Max Verstappen	Toro Rosso-Renault	61	+51.450	8	4
9	55	Carlos Sainz	Toro Rosso-Renault	61	+52.860	14	2
10	12	Felipe Nasr	Sauber-Ferrari	61	+1:30.045	16	1
11	9	Marcus Ericsson	Sauber-Ferrari	61	+1:37.507	17
12	13	Pastor Maldonado	Lotus-Mercedes	61	+1:37.718	18
13	8	Romain Grosjean	Lotus-Mercedes	59	+ 2 voltas	10
14	53	Alexander Rossi	Marussia-Ferrari	59	+ 2 voltas	20
15	28	Will Stevens	Marussia-Ferrari	59	+ 2 voltas	19
Ret	22	Jenson Button	McLaren-Honda	52	Caixa de cambios	15
Ret	14	Fernando Alonso	McLaren-Honda	33	Caixa de cambios	12
Ret	44	Lewis Hamilton	Mercedes	32	Unidade de potencia	5
Ret	19	Felipe Massa	Williams-Mercedes	30	Caixa de cambios	9
Ret	27	Nico Hülkenberg	Force India-Mercedes	12	Colisión	11
fonte:

Posicións logo da carreira

Clasificación no campionato de pilotos

	Pos.	Piloto	Pts.
	1	Lewis Hamilton	252
	2	Nico Rosberg	211
	3	Sebastian Vettel	203
	4	Kimi Räikkönen	107
	5	Valtteri Bottas	101

Clasificación do campionato de construtores

	Pos.	Construtor	Pts.
	1	Mercedes	463
	2	Ferrari	310
	3	Williams-Mercedes	198
	4	Red Bull-Renault	139
	5	Force India-Mercedes	69

• Nota: Só están incluídos os cinco primeiros postos en ambos os grupos de clasificación.

Véxase tamén

Carreira anterior: Gran Premio de Italia de 2015	Campionato Mundial de Fórmula 1 da FIA Temporada 2015	Carreira seguinte: Gran Premio do Xapón de 2015
Carreira anterior: Gran Premio de Singapur de 2014	Gran Premio de Singapur	Carreira seguinte: Gran Premio de Singapur de 2016