Dangerous é o oitavo álbum de estudio do artista estadounidenseMichael Jackson. Foi lanzado o 26 de novembro de 1991 polo selo discográfico Epic Records. Dangerous foi o primeiro álbum co seu novo contrato con Sony Music, así como o primeiro álbum de Jackson dende Forever, Michael, que non foi producido polo seu colaborador Quincy Jones, que accedeu á separación despois da gravación de Bad. Dangerous vendeu 30 millóns de copias en todo o mundo (das cales 20 millóns foron copias certificadas), 7 millóns só nos Estados Unidos, e é citado como un dos álbums mellor vendidos de tódolos tempos.[2][3][4] O álbum produciu catro sinxelos do Top Dez da Billboard Hot 100 e un número 1.