Kassym-Jomart Tokayev

Kassym-Jomart Tokayev

(2024)
Nome orixinal	(kk) Қасым-Жомарт Кемелұлы Тоқаев (kk) Qasym-Jomart Kemelūly Toqaev
Biografía
Nacemento	17 de maio de 1953 (71 anos) Almati, Casaquistán
2º Presidente de Casaquistán
20 de marzo de 2019 – ← Nursultan Nazarbayev
Escritório das Nações Unidas em Genebra (pt)
12 de marzo de 2011 – 13 de outubro de 2013
Minister of Foreign Affairs of Kazakhstan (en)
xuño de 2003 – xaneiro de 2007
State Counsellor of Kazakhstan (en)
29 de xaneiro de 2002 – 13 de xuño de 2003
Primeiro ministro de Casaquistán
12 de outubro de 1999 – 28 de xaneiro de 2002
Minister of Foreign Affairs of Kazakhstan (en)
1994 – 1999
Datos persoais
Educación	Instituto Estatal de Relacións Internacionais de Moscova Academia Diplomática do Ministério dos Negócios Estrangeiros da Federação Russa (pt)
Actividade
Campo de traballo	Diplomático, político e Presidente de Casaquistán
Ocupación	político (1992–), diplomático (1975–1992)
Empregador	ONU (2011–2013)
Partido político	Nur Otan Amanat (pt)
Familia
Cónxuxe	Nadezhda Tokayeva (1980–2020)
Fillos	Timur Tokayev
Pais	Kemel Toqayev   e Turar Shabarbayeva
Irmáns	Karlyga Izbastina
Premios
(2017)  Orde da Honra (2004)  Orde da Amizade  Order of the Golden Eagle (en)  Order of Prince Yaroslav the Wise, 3rd class (en)  Q4335952  medal "10 years of the Constitution of Kazakhstan" (en)  medal "for 20 years of Kazakhstan's independence" (en)  medal for the 25 years of Kazakhstan's independence (en)  medalla dos 20 anos da constitución da República de Casaquistán  Order of the "Commonwealth" (en)  Order of the Serbian Flag (en)  Medalla 10 anos de Astana  Orde da Patria  Order of Parasat (en)  Order "Duslyk" (en)  orde de Nazarbaiev  Medalla 10 anos de Casaquistán  Medalla de Astana  Medalla dos 10 anos do Parlamento da República de Casaquistán  Order of Prince Yaroslav the Wise (en)
Sinatura
Páxina web	akorda.kz…

Kassym-Jomart Kemelyevich Tokayev (casaco: Қасым-Жомарт Кемелұлы Тоқаев, ruso: Касым-Жомарт Кемелевич Токаев), nado en Almati o 17 de maio de 1953, é un político e diplomático casaco, actual Presidente de Casaquistán.

Accedeu ao cargo o 20 de marzo de 2019, sucedendo a Nursultan Nazarbayev, primeiro presidente do país, que dimitiu o día anterior despois de 29 anos no cargo. Foi Presidente do Senado de Casaquistán de 2007 a 2011 e de 2013 a 2019. Tokayev exerceu como Primeiro Ministro de Casaquistán de 1999 a 2002 e como director xeral da Oficina de Nacións Unidas en Xenebra de 2011 a 2013.

Traxectoria

Kassym-Jomart Tokayev naceu o 17 de maio de 1953 en Alma-Ata (hoxe Almati), naquel momento capital da República Socialista Soviética de Casaquistán. O seu pai, Kemel Tokayev (1923–1986), era un veterano da segunda guerra mundial e un coñecido escritor casaco. A súa nai, Turar Shabarbayeva (1931–2000), traballaba no Instituto de Linguas Estranxeiras de Almati.

Carreira

Tokayev Con Vladimir Putin no Kremlin, 19 de xaneiro de 2000.

En 1970, Tokayev uniuse ao Instituto Estatal de Relacións Internacionais de Moscova. No seu quinto ano, foi enviado a cursos de adestramento na embaixada soviética en China durante seis meses. Despois da graduación do Instituto Estatal de Relacións Internacionais de Moscova en 1975, Tokayev uniuse ao Ministerio de Relacións Exteriores da Unión Soviética e foi enviado á Embaixada soviética en Singapur. En 1979, regresou ao Ministerio de Relacións Exteriores da URSS. En 1983, foi a China para recibir cursos na Universidade de Lingua e Cultura de Pequín. En 1984–1985, serviu no Ministerio de Relacións Exteriores. Foi entón destinado á embaixada soviética en Pequín onde estivo até 1991 como Segundo Secretario, Primeiro Secretario, e Asesor. En 1991, matriculouse na Academia de Diplomacia do Ministerio de Relacións Exteriores da URSS en Moscova nun curso de adestramento para diplomáticos maiores.

Política doméstica

En 1992, Tokayev foi nomeado viceministro de Asuntos Exteriores da República de Casaquistán. En 1993, converteuse en primeiro viceministro de Asuntos Exteriores e en 1994 foi nomeado Ministro de Asuntos Exteriores. En marzo de 1999, foi nomeado Viceprimeiro ministro. En outubro de 1999, co apoio do Parlamento, foi nomeado Primeiro Ministro por Decreto do Presidente da República de Casaquistán. En xaneiro de 2002, dimitiu e foi nomeado Secretario de Estado (Ministro de Asuntos Exteriores). Tokayev continuou nese posto até xaneiro de 2007 cando foi elixido Presidente do Senado de Casaquistán.

Ministerio de Asuntos Exteriores

Tokayev ostentou o cargo de Ministro de Asuntos Exteriores durante dez anos (1994–1999, 2002–2007).

Neste cargo, Tokayev xogou un papel activo no campo da non-proliferación nuclear. En 1995 e 2005, participou nas Conferencias de Revisión para o Tratado de Non-Proliferación das Armas Nucleares en Nova York. En 1996, asinou o Tratado de Prohibición Completa dos Ensaios Nucleares en Nova York, e en 2005 o Tratado por unha Zona LIbre de Armas Nucleares en Asia Central en Semei. Foi elixido Presidente do Consello de Ministros de Asuntos Exteriores da Comunidade de Estados Independentes e da Organización de Cooperación de Shanghai. Participou en dez sesións da Asemblea Xeral das Nacións Unidas. Ostentou o rango diplomático de Embaixador Extraordinario e Plenipotenicario.

Como Presidente do Senado do Parlamento de Casaquistán, Tokayev foi elixido en 2008 Vicepresidente da Asemblea Parlamentaria da Organización para a Seguridade e a Cooperación en Europa (OSCE). A súa visión sobre o sistema político de Casaquistán: "Presidente forte, parlamento con autoridade, goberno responsábel", declarou na conferencia parlamentaria en Astana.

Director xeral da Oficina da ONU en Xenebra

Kassym-Jomart Tokayev Con Sergei Lavrov e John Kerry o 13 de setembro de 2013

En marzo de 2011, o Secretario xeral das Nacións Unidas anunciou o nomeamento de Tokayev como subsecretario xeral e director xeral da Oficina das Nacións Unidas en Xenebra e representante persoal do Secretario Xeral de Nacións Unidas na Conferencia de Desarme. Exerceu como Secretario Xeral da Conferencia de Desarme. Foi tamén o oficial designado para a seguridade do persoal da ONU para Suíza.

Tokayev ten un doutoramento en Ciencias Políticas. É autor de nove libros e numerosos artigos en asuntos internacionais. É Socio da Academia Mundial da Arte e a Ciencia, membro do Taboleiro de Persoas Eminentes na Conferencia de Seguridade de Múnic, profesor honorífico da Universidade de Shenzhen, profesor honorífico e doutor da Academia de Diplomacia do Ministerio de Relacións Exteriores da Federación Rusa, así como membro do seu Taboleiro de Honra. É tamén decano honorífico da Escola de Diplomacia e Relacións Internacionais de Xenebra. Como director xeral da UNOG, recibiu o premio "Academicus" da Universidade de Xenebra. Segundo a Institución Biográfica Rusa, Tokayev foi admitido como "Persoa do ano 2018".

Presidencia

O 19 de marzo de 2019, o presidente de Casaquistán Nursultan Nazarbayev anunciou a súa dimisión. Segundo a Constitución de Casaquistán, nese caso, o Portavoz do Senado pasa a ser Presidente até as seguintes eleccións. O 20 de marzo de 2019, Kassym-Jomart Tokayev oficialmente tomou posesión como Presidente de Casaquistán.

Inmediatamente despois da toma, Tokayev propuxo rebautizar a capital de Casaquistán co nome do seu predecesor, e ese mesmo día o Parlamento de Casaquistán aprobou o rebautizado de Astana a Nur-Sultan.

O presidente ruso Vladimir Putin foi un dos primeiros dirixentes estranxeiros en felicitar a Tokayev, convidándoo a visitar Moscova nunha conversación telefónica conxunta con el e Nazarbayev. O goberno chinés tamén describiu a Tokayev como un "vello e bo amigo".

Tokayev e Putin no Kremlin, 4 de abril de 2019.

No seu primeiro mes no cargo, reuniuse con catro líderes mundiais, dous deles no estranxeiro e os outros dous en Nur-Sultan. Dúas semanas despois de tomar posesión, Tokayev visitou Moscova na súa primeira visita oficial ao estranxeiro o 4 de abril, onde se reuniu con Putin e outros oficiais rusos. Durante a visita, Putin ofreceu asistencia rusa a Tokayev na construción dunha central nuclear no país. O 14 de abril, Tokayev visitou a veciña Uzbekistan para reunirse co presidente Shavkat Mirziyoyev. Tamén recibiu ao presidente surcoreano Moon Jae In e ao primeiro ministro húngaro Viktor Orban durante o mes de abril.

O 9 de abril de 2019, Tokayev anunciou eleccións anticipadas para xuño de 2019. O 23 de abril, Tokayev converteuse en candidato presidencial tras o seu nomeamento polo partido Nur Otan. Os días 16-17 de maio, Tokayev recibiu aos dirixentes estranxeiros Armen Sarkissian e Mamuka Bakhtadze na capital durante o 12º Foro Económico de Astana, do que a primeira edición foi organizada polo seu predecesor, Nazarbayev. Tamén recibiu aos líderes rexionais de Rusia, Kirguizistán, Belarús, Taxiquistán, Armenia e Moldova para o cumio da Unión Económica Euroasática e do Consello Económico Euroasiático do 29 de maio.

Durante a campaña, Tokayev foi criticado nas redes sociais polo seu uso de software de manipulación de fotos para borrar engurras das fotos oficiais. Tokayev foi elixido presidente de Casaquistán o 9 de xuño co 71% dos votos. Foi felicitado por xefes de estado estranxeiros como Xi Jinping, Ilham Aliyev, Recep Tayyip Erdogan, Emomalii Rahmon ou Sooronbay Jeenbekov.

Viaxes internacionais como Presidente

Data	País	Cidade	Tipo de visita
4 de abril de 2019	Rusia	Moscova	Visita de Estado
14 de abril de 2019	Uzbekistán	Tashkent	Visita de Estado
14 de xuño de 2019	Kirguizistán	Bixkek	Visita de traballo
15 de xuño de 2019	Taxiquistán	Dushanbe	Visita de traballo
11 de setembro de 2019	China	Pequín e Hangzhou	Visita de Estado
23 de setembro de 2019	Estados Unidos	Nova York	Visita de traballo
1 de outubro de 2019	Armenia	Iereván	Visita de traballo

Premios e honras

• Orde da Aguia de Ouro (2019)
• Orde de Otan (2014)
• Orde de Nazarbayev (2004)
• Orde de Parasat (1996)
• Medalla Astana
• Medalla "25 anos de independencia da República de Casaquistán"
• Medalla "10 anos de Independencia da República de Casaquistán"
• Medalla "10 anos ao Parlamento da República de Casaquistán"
• Orde da Honra (Rusia, 2017)
• Orde de Amizade (Rusia, 2004)
• Orde do Príncipe Yaroslav o Sabio, Grao III (Ucraína, 2008)
• Orde da Comunidade (Comunidade de Estados Independentes, 2007)
• Orda da Bandeira Serbia, 1.ª Clase (2016)
• Medalla do Xubileu "20 Anos do Consello da Federación"
• Medalla da Árbore da Amizade (CIS, 2003)
• Diploma do CIS
• Medalla "10 anos de Astana" (2018)

Vida persoal

Tokayev fala de forma fluída casaco, ruso, inglés e chinés, e ten coñecementos de francés. Foi presidente da Federación de Tenis da Mesa de Casaquistán durante 13 anos. Tokayev estivo casado con Nadezhda Tokayeva e ten un fillo.

Véxase tamén

• Goberno de Casaquistán
• Política de Casaquistán
• Parlamento de Casaquistán