Iván Kaviedes

Iván Kaviedes

(2012)
Biografía
Nacemento	24 de outubro de 1977 (47 anos) Curaçao, Reino dos Países Baixos
Altura	182 cm
Peso	75 kg
Actividade
Ocupación	futbolista
Período de actividade	1995 - 2018
Nacionalidade deportiva	Ecuador
Deporte	fútbol
Liga	Premier League
Posición de xogo	Dianteiro
Traxectoria   Equipo 1995–1998 Club Sport Emelec 57 (48) 1999–1999 AC Perugia Calcio 14 (4) 1999–2003   Celta de Vigo 6 (0) 2000–2000 → cesión:  Puebla Fútbol Club 17 (4) 2000–2001 → cesión:    Real Valladolid 23 (6) 2002–2002 → cesión:    Barcelona Sporting Club 8 (4) 2002–2002 → cesión:    FC Porto 0 (0) 2003–2003 Puebla Fútbol Club 6 (0) 2003–2003 Sociedad Deportivo Quito 10 (2) 2004–2004 → cesión:  Crystal Palace F.C. 4 (0) 2004–2006   Barcelona Sporting Club 43 (14) 2005–2006 → cesión:    Argentinos Juniors 13 (1) 2007–2007 Club Deportivo El Nacional 34 (14) 2008–2008 Liga Deportiva Universitaria de Quito 2 (90) 2010–2011 Club Social y Deportivo Macará 22 (10) 2011–2012 Club Deportivo El Nacional 16 (7) 2012–2012 Sociedad Deportivo Quito 0 (0) 2012–2012 Sociedad Deportiva Aucas 14 (5) 2014–2014 Liga Deportiva Universitaria de Loja 3 (0) 2015– Águilas Club de Fútbol   Selección nacional 1996–2012   Selección de fútbol de Ecuador 57 (17)
Participou en
2006	Mundial de Fútbol Alemaña 2006
2002	Mundial de Fútbol Corea/Xapón 2002
Sitio web	ivankaviedes.com

Jaime Iván Kaviedes Llorenty, nado en Santo Domingo de los Colorados o 24 de outubro de 1977 é un exfutbolista ecuatoriano que xogaba na demarcación de dianteiro. Foi un dos xogadores máis prometedores de Ecuador, marcado polas constantes indisciplinas e saídas nocturnas, pese ao que segue sendo un ídolo no seu país.

Traxectoria

Orfo dende os seis anos comezou a xogar nos equipos infantís da súa vila, pasando polo Audaz, Adac, Tres de Julio, Los Chavos, Sport Colombia e Talleres; ao tempo que estudaba na escola Pío XII

Saltou á fama o 1998 ao ser o máximo goleador do mundo, marcando 43 goles no Club Sport Emelec, tras o cal fichou polo Perugia Calcio, converténdose no primeiro xogador ecuatoriano en fichar por un equipo da Primeira División Italiana. Militou no equipo italiano media tempada marcando catro goles, porén despois de facer unha aceptábel Copa América ficha polo Celta de Vigo no verán de 1999 por un prezo aproximado de 5 millóns de dólares..

Pertenceu ao Celta catro tempadas pero so chegou a disputar seis encontros oficiais, sen marcar ningún gol. Ante a competencia principalmente de Benny McCarthy, pero tamén de xogadores como Mario Turdó, foi cedido a varios equipos, coma o Puebla FC, Real Valladolid, FC Porto e Barcelona de Guayaquil.

Tras deixar o Celta en 2003 estivo varios meses sen xogar profesionalmente, ata que a comezos de 2004 fichou polo Deportivo Quito e pasou despois por Crystal Palace, Argentinos Junior, El Nacional e Liga de Quito.

A finais de 2009 entrou nunha clínica de rehabilitación por problemas coas drogas, e tras dous anos sen xogar profesionalmente fichou polo Macará de Ambato, pero foi separado do equipo.

En 2011 fichou novamente por El Nacional.

No ano 2012, tras realizar a pretempada co Deportivo de Quito, anunciou a súa retirada do fútbol, porén fichou despois polo Aucas, onde a súa actuación se viu marcada por ser detido ao conducir ebrio e agredir a uns policías.

Coa selección de fútbol de Ecuador

Foi internacional coa Selección de fútbol de Ecuador en 55 ocasións, debutou o 14 de outubro de 1998 nun encontro amigábel ante o Brasil

O 7 de novembro de 2001 marcou o gol da histórica clasificación de Ecuador para o seu primeiro Mundial, Corea/Xapón 2002

No Mundial de Fútbol Alemaña 2006 anotou un gol, ante Costa Rica.

Véxase tamén

Ligazóns externas

• Páxina oficial do xogador (en castelán)