John Adams

John Adams

Biografía
Nacemento	19 de outubro de 1735 (Xuliano) Braintree (Reino de Gran Bretaña)
Morte	4 de xullo de 1826 (90 anos) Quincy (Estados Unidos de América)
Causa da morte	morte natural
Lugar de sepultura	United First Parish Church (en)
2º Presidente dos Estados Unidos de América
4 de marzo de 1797 – 4 de marzo de 1801 ← George Washington – Thomas Jefferson → Electo en: Eleição presidencial nos Estados Unidos em 1796 (pt)
2º Presidente electo dos Estados Unidos
decembro de 1796 – 4 de marzo de 1797 ← George Washington – Thomas Jefferson → Electo en: Eleição presidencial nos Estados Unidos em 1796 (pt)
1º Vicepresidente dos Estados Unidos
21 de abril de 1789 – 4 de marzo de 1797 – Thomas Jefferson →
Embaixador dos Estados Unidos en Francia
1788 – 1788
1º United States Ambassador to the United Kingdom (en)
1 de abril de 1785 – 30 de marzo de 1788
1º United States Ambassador to the Netherlands (en)
19 de abril de 1782 – 30 de marzo de 1788
Member of the Massachusetts House of Representatives (en)
xuño de 1770 – valor descoñecido
Datos persoais
Residencia	Massachusetts John Quincy Adams Birthplace John Adams Birthplace
Relixión	Unitarismo, igrexa congregacional, Congregacionalismo (pt) e Deísmo
Educación	Universidade Harvard Harvard College
Altura	170 cm
Actividade
Lugar de traballo	Boston
Ocupación	avogado, filósofo político, estadista, diplomático, político, escritor
Partido político	Partido Federalista (pt)
Membro de	Sociedade Filosófica Estadounidense Academia das Artes e das Ciencias dos Estados Unidos American Antiquarian Society (pt)
Pseudónimo literario	Novanglus
Familia
Familia	Adams family (en)
Cónxuxe	Abigail Adams (1764–1818), morte do cónxuxe
Fillos	Abigail Adams Smith, John Quincy Adams, Susanna Adams, Charles Adams, Thomas Boylston Adams
Pais	John Adams, Sr.   e Susanna Boylston
Irmáns	Elihu Adams Peter Boylston Adams
Parentes	Henry Adams, bisneto
Premios
Membro da Academia Estadounidense das Artes e as Ciencias
Sinatura
Descrito pola fonte	Appletons' Cyclopædia of American Biography Grande Enciclopedia Soviética 1969-1978, (sec:Адамс Джон) Pequeno Dicionario Enciclopédico de Brockhaus e Efron

John Adams, nado en Quincy (Massachusetts) o 30 de outubro de 1735 e finado na mesma vila o 4 de xullo de 1826, foi o segundo Presidente dos Estados Unidos, dende 1797 ata 1801, considerado un dos pais fundadores dos Estados Unidos.

Traxectoria

Adams chegou á elite política nas primeiras etapas da Revolución Americana. Como delegado de Massachusetts no Congreso Continental, desempeñou un papel importante persuadindo ao Congreso para declara-la independencia, e axudou a Thomas Jefferson na redacción da Declaración de Independencia dos Estados Unidos en 1776. Como representante do Congreso en Europa, foi un dos negociadores principais do Tratado de París coa Gran Bretaña, e un dos principais responsables da obtención de préstamos importantes de banqueiros de Ámsterdam. Teórico político e historiador, Adams escribiu en gran medida a constitución do estado de Massachusetts en 1780, pero atopábase en Europa cando se redactou a Constitución federal en termos semellantes. En 1775 nomeou a George Washington coma comandante en xefe do Exército Continental, e vinte e cinco anos máis tarde nomeou a John Marshall coma Presidente do Tribunal Supremo dos Estados Unidos.

Actuou coma vicepresidente de George Washington en dous mandatos para posteriormente ser elixido en 1796 coma o segundo presidente da nación. Durante o seu mandato presidencial, atopouse con feroces ataques por parte do Partido Demócrata-Republicano de Thomas Jefferson, así coma a facción dominante do seu propio partido, o Partido Federalista liderado por Alexander Hamilton. Adams firmou as polémicas Actas de sedición e estranxeiros, e conformou o exército e a mariña no contexto da guerra naval non declarada con Francia entre 1798-1800.

John Adams no anverso dun dólar presidencial de 2007.

En 1800 Adams saíu derrotado na reelección por Thomas Jefferson e retirouse a Massachusetts. El e mais a súa dona, Abigail Adams, fundaron unha liña familiar de políticos, diplomáticos e historiadores nos Estados Unidos. Foi pai de John Quincy Adams, sexto Presidente dos Estados Unidos. O 4 de xullo de 1826 faleceu aos 90 anos de idade, o mesmo día do 50º Aniversario da Declaración de Independencia.