Junkers Ju 288
| Junkers Ju 288 | |
|---|---|
Ju 288 V13, un prototipo do Ju 288B | |
| Tipo | bombardeiro medio |
| Fabricante | Junkers |
| Primeiro voo | 29 de novembro de 1940 |
| Unidades construídas | 22 |
O Junkers Ju 288 foi un bombardeiro medio alemán da segunda guerra mundial. Desenvolvido como substituto do Ju 88, o Ju 288 era un deseño totalmente novo. Cando en 1943 se cancelaron moitos bombardeiros alemáns o proxecto do Ju 288 tamén foi abandonado e non chegou a producirse en serie.
A pesar de que o 288 nunca chegou ao estado de produción, e moito menos a ser operativo oficialmente, o avión tivo limitadas misións de combate. En 1944, despois da cancelación do programa, os prototipos das series A e C superviventes equipáronse apresuradamente con armamento defensivo e fixeron labores de recoñecemento na fronte leste. Realizaron moi poucas misións debido á falta de pezas de reposto. Crese que os 288 estiveron na mesma unidade que os poucos Ju 388 de recoñecemento que entraron en servizo.