Shirley Manson
| Biografía | |
|---|---|
| Nacemento | 26 de agosto de 1966 Edimburgo, Reino Unido |
| Educación | Broughton High School (en) |
| Actividade | |
| Ocupación | actriz, modelo, compositora de cancións, actriz de cinema, música, cantante, guitarrista, activista polos dereitos das mulleres |
| Período de actividade | 1981 |
| Membro de | |
| Xénero artístico | Música rock, rock alternativo e música pop |
| Tesitura | Contralto |
| Instrumento | Guitarra e voz |
| Selo discográfico | Radioactive Records (pt) |
| Descrito pola fonte | Obálky knih, |
| Páxina web | garbage.com |
Shirley Ann Manson, nada o 26 de agosto de 1966, é unha cantante escocesa, vocalista da banda de rock alternativo Garbage.
Traxectoria
[editar | editar a fonte]Manson é a segunda de tres fillas; o seu pai é xenetista e a súa nai foi cantante. Empezou a estudar piano á idade de 7 anos, e máis tarde acudiu á Escola de Música da Cidade de Edimburgo onde tamén formou parte do grupo de teatro.
Na escola, os demais nenos metíanse frecuentemente con ela. Burlábanse do seu aspecto e da cor do seu pelo. Ás veces, regresaba a casa ensanguentada e magullada por culpa do acoso. Os interminables acosos e burlas conducírona a unha profunda depresión e empezou a autolesionarse, entre outras cousas.
Traballou brevemente como dependenta nunha tenda. A súa primeira experiencia musical foi coas bandas Autumn 1904 e Wild Indians. Cando tiña 16 anos uniuse ao grupo Goodbye Mr. Mackenzie onde tocaba os teclados e facía de segunda vocalista. Neste grupo estivo unha década ata a súa disolución en 1992. Despois desta, Shirley, xunto con dous membros do grupo, fundaron Angelfish, outra banda na que Shirley era a vocalista.
Angelfish editou un álbum autotitulado e dous sinxelos. A banda estivo de xira polos Estados Unidos, Canadá, Bélxica e Francia, chegando a ser abreconcertos de Live en Norteamérica. O seu videoclip para a canción "Suffocate Me" foi emitido no programa da MTV 120 Minutes, e o produtor e músco Steve Marker, que viu esa emisión, pensou que podería ser unha boa vocalista para o seu grupo, Garbage.