Stjepan Bobek

Stjepan Bobek

Biografía
Nacemento	3 de decembro de 1923 Zagreb (Reino de Iugoslavia)
Morte	22 de agosto de 2010 (86 anos) Belgrado, Serbia
Causa da morte	doenza
Lugar de sepultura	Novo Cemitério de Belgrado (pt)
Actividade
Ocupación	futbolista, adestrador de fútbol
Período de actividade	1944 - 1959
Nacionalidade deportiva	Iugoslavia
Deporte	fútbol
Posición de xogo	Dianteiro
Traxectoria   Equipo 1938–1942 HŠK Concordia Zagreb 1942–1942 FC Admira Wacker Mödling 8 (7) 1944–1945 HŠK Građanski Zagreb 15 (13) 1945–1959 FK Partizan 195 (118)   Selección nacional 1946–1956   Iugoslavia 63 (38)   Adestrador 1958– Legia Warszawa 1960–1963 FK Partizan 1963–1967 Panathinaikos 1963–1967 Panathinaikos 1967–1969 FK Partizan 1969–1970 Olympiakos FC 1970–1970 Altay Spor Kulübü 1972–1972 NK Dinamo Zagreb 1975–1975 Panathinaikos 1976–1979 Espérance Sportive de Tunis 1979–1981 FK Vardar
Participou en
1954	Mundial de Fútbol Suíza 1954
1952	Xogos Olímpicos de 1952
1950	Mundial de Fútbol Brasil 1950
1948	Xogos Olímpicos de 1948
Medalleiro Fútbol Xogos Olímpicos Compite por Iugoslavia Londres 1948 Fútbol masculino Helsinqui 1952 Fútbol masculino

Stjepan Bobek, nado o 3 de decembro de 1923 en Zagreb, por aquel entón Reino de Iugoslavia, e finado o 22 de agosto de 2010 en Belgrado foi un xogador e adestrador de fútbol da RFS de Iugoslavia que xogaba na demarcación de dianteiro. En 1995 foi nomeado mellor xogador da historia do FK Partizan.

A nivel internacional é o máximo goleador da historia da Selección de fútbol de Iugoslavia con 38 goles, coa que foi dúas veces medalla de prata nos Xogos Olímpicos, en 1948 e 1952.

Traxectoria

Coma xogador

Comezou a xogar en equipos da súa cidade natal para debutar profesionalmente no Građanski Zagreb antes de fichar polo FK Partizan, equipo no que pasou os mellores ano da súa carreira e pasou á historia do club. No equipo serbio foi o máximo goleador da liga iugoslava en dúas ocasións, en 1945 e 1954 e estableceu o récord de goles nun só encontro da liga, anotando nove ante o 14. Oktobar Niš. Co equipo de Belgrado proclamouse campión dúas veces da Liga de Iugoslavia e catro da Copa.

Coa Selección de fútbol de Iugoslavia disputou dous Mundiais de fútbol, Brasil 1950 e Suíza 1954. Tamén participou nos Xogos Olímpicos de Londres 1948 e Helsinqui 1952, nos que o combinado gañou sendas medallas de prata, anotando Bobek catro e tres goles respectivamente.

Coma adestrador

Unha vez retirado comezou a súa carreira coma adestrador en Polonia, no Legia Warszawa, antes de volver ao ano seguinte a Iugoslavia para facerse cargo do FK Partizan, co que volvería gañar a Liga de Iugoslavia en tres ocasións. En 1963 foi substituído por Kiril Simonovski.

En 1964 fichou polo Panathinaikos FC co que tamén se proclamou campión da Liga do país, dúas veces, e da Copa, unha. En 1967 volveu ao FK Partizan e en 1970 regresou a Grecia, esta vez ao Olympiacos FC. En 1972 tivo unha breve experiencia no NK Dinamo Zagreb antes dun segundo período no Panathinaikos.

En 1978 fichou polo FK Vardar de Skopje, proclamándose campión da segunda división iugoslava e acadando o ascenso a Primeira

Palmarés

Coma xogador

FK Partizan

• Liga de Iugoslavia (2): 1946/47 e 1948/49.
• Copa de Iugoslavia (4): 1947, 1952, 1954 e 1957.

Selección de Iugoslavia

• Medalla de prata nos Xogos Olímpicos (2): 1948 e 1952.

Coma adestrador

FK Partizan

• Liga de Iugoslavia (3): 1960/61, 1961/62 e 1962/63.

Panathinaikos FC

• Liga de Grecia (2): 1963/64 e 1964/65.
• Copa de Grecia (1): 1967.

FK Vardar

• Segunda Liga de Iugoslavia (1): 1978/79.

Véxase tamén

Ligazóns externas

• Estatísticas do xogador (en inglés)
• Estatísticas coa selección Arquivado 02 de abril de 2015 en Wayback Machine. (en inglés)