Walter Bagehot

Walter Bagehot
	;
Biografía
Nacemento	3 de febreiro de 1826 ; Langport, Reino Unido (en)
Morte	24 de marzo de 1877 (51 anos); Somerset, Reino Unido
Lugar de sepultura	Langport (en)
Redactor xefe The Economist
	1861 – 1877 ; ← Richard Holt Hutton (pt) – Daniel Conner Lathbury (en) →
Datos persoais
Educación	University College de Londres
Actividade
Campo de traballo	Economía e filosofía
Ocupación	xornalista, político, empresario, ensaísta, enxeñeiro, politicólogo, sociólogo, economista, escritor
Empregador	The Economist (1861–1877)
Familia
Cónxuxe	Elizabeth Wilson
Pais	Thomas Watson Bagehot e Edith Stuckey
	Sinatura
Descrito pola fonte	Dicionario Enciclopédico Brockhaus e Efron; Encyclopædia Britannica; Dictionary of National Biography

Walter Bagehot, nado o 3 de febreiro de 1826 e finado o 24 de marzo de 1877, foi un home de negocios, ensaísta e xornalista, que escribiu extensamente sobre literatura, política, economía e outros moitos asuntos.

Traxectoria

Bagehot naceu en Langport, Somerset, Inglaterra, seu pai, Thomas Walter Bagehot, era xerente e vicepresidente de Stuckey's Banking Company. El estudou no University College de Londres, onde cursou matemáticas e realizou un máster en filosofía intelectual e moral^[1].

Traballou con seu pai desde 1852 e escribiu para varios xornais, logo durante dezasete anos foi o editor de The Economist, xornal que fora fundado polo seu sogro (James Wilson). Despois de asumir a dirección en 1860, engadiu a The Economist' información sobre os Estados Unidos e política, aumentando a influencia do xornal entre os medios políticos.

En 1867, escribiu un libro titulado The English Constitution no cal explora a constitución do Reino Unido, especificando o funcionamento do Parlamento e a monarquía británica e os contrastes entre o goberno británico e o americano. O libro converteuse nun manual que se traduciu a varias linguas.

Tamén escribiu Physics and Politics (1872), no cal acuñou a expresión aínda en uso no mundo anglosaxón "the cake of custom" para referirse á tensión entre as institucións tradicionais e a innovación. Lombard Street (1873), explica o mundo das finanzas e da banca, e especialmente como resolver crises financeiras. Polas súas contribucións á teoría sociolóxica a través dos estudos históricos, Bagehot pode ser comparado co seu contemporáneo, Henry James Sumner Maine.

Despois da súa morte publicouse unha colección cos seus ensaios económicos, literarios e políticos.

Cada ano a Political Studies Association británica outorga o Premio Walter Bagehot á mellor disertación no campo da administración pública e gobernativa.

Obras

The Collected Works of Walter Bagehot: Volumes 1-15, ed. Norman S. John-Stevas, Nova York, Oxford U. Press, (1986) ISBN 0-85058-039-0
Emily (Mrs Russell) Barrington, ed., The Works and Life of Walter Bagehot, in 10 vols. Londres, Longman, Green (1915) On line.
The Postulates of English Political Economy, with a Preface by Alfred Marshall, Londres, Longmans Green & Co. (1885); Google books
Economic Studies, ed. Richard Holt Hutton, Londres, Bombai e Calcuta, Longmans, Green (1879); Nova York, Augustus M. Kelley (1998) ISBN 0-678-00852-3

Notas

↑ Richard Holt Hutton, "Memoir" e "Second Memoir" (no Dictionary of National Biography), en Mrs Russell Barrington, ed., The Works and Life of Walter Bagehot, London, Longman, Green (1915)

Véxase tamén

Bibliografía

Brian Hanley, "'The Greatest Victorian' in the New Century: The Enduring Relevance of Walter Bagehot's Commentary on Literature, Scholarship, and Public Life", Papers on Language and Literature, (Spring 2004)
The Pursuit of Reason: The Economist 1843-1993, Harvard Business School Press, Boston, Massachusetts ISBN 0-87584-608-4
A Short Biographical Dictionary of English Literature

Ligazóns externas

[1] Richard Holt Hutton, "Memoir" e "Second Memoir" (no Dictionary of National Biography), en Mrs Russell Barrington, ed., The Works and Life of Walter Bagehot, London, Longman, Green (1915)

[1]