სტუდენტები შპს „საქართველოს მელიორაციას“ ეწვივნენ

13 ნოემბერს, პროგრამის - „ბუნებრივი საფრთხეები, მდგრადი გარემო და დაცვა“ ფარგლებში,  სტუ-ის სამთო გეოლოგიური და მთის მდგრადი განვითარების სტუდენტები,  ასოცირებული პროფესორის, ნინო მებონიას ხელმძღვანელობით შპს „საქართველოს მელიორაციას“ ეწვივნენ. 

ერთდღიანი ვიზიტის ფარგლებში,  სტუდენტები მელიორაციის სფეროში არსებულ გამოწვევებს, თანამედროვე ტექნოლოგიებს და ინოვაციური მიდგომებს გაეცნენ.  შეხვედრაზე  შპს „საქართველოს მელიორაციის“  პროფესიონალ თანამშრომლებსა და სტუდენტ ახალგაზრდებს შორის საინტერესო დისკუსია გაიმართა,  სპეციალისტებმა  სტუდენტებს საკუთარი ცოდნა, პრაქტიკული გამოცდილება და საინტერესო მასალა გაუზიარეს, მათ შორის პრაქტიკული მაგალითებიც განიხილეს. 
 
დაიგეგმა შემდგომი თანამშრომლობა - საველე გასვლა, დამატებითი შეხვედრები და პრაქტიკული სწავლების გაღრმავება, ასევე, სტაჟირების პროგრამაში ჩართვა, რაც მათ მისცემს შესაძლებლობას მიიღონ მომავალ პროფესიაში რეალური სამუშაო გამოცდილება და უფრო საფუძვლიანად დაეუფლონ  დარგის უნარ-ჩვევებს. 

ამასთანავე,  განიხილეს შემდგომი დასაქმების პერსპექტივები, რაც განსაკუთრებული მნიშვნელობის მატარებელია ახალგაზრდების პროფესიული განვითარებისათვის.

სტუდენტებისთვის  აღნიშნული საინფორმაციო შეხვედრა  შპს „საქართველოს მელიორაციაში“  განხორციელდა საქართველოს ტექნიკური უნივერსიტეტის სამთო-გეოლოგიური და მთის მდგრადი განვითარების ფაკულტეტის დეკანის მოვალეობის შემსრულებლის, პროფესორ ნოე ხოზრევანიძის, შპს ,,საქართველოს მელიორაციის“  გენერალურ დირექტორს გიგლა თამაზაშვილის და წყლის რესურსების აღრიცხვის დეპარტამენტის ტექნიკური მონიტორინგის სამსახურის წამყვანი სპეციალისტის  მაია კიკაბიძის ხელშეწყობით.