Michał Raca
Michał Raca (tež Radca; němsce Michael Rätze; * 1. oktobra 1657 w Zemicach, † 18. nowembra 1730 w Budyšinje) bě serbski diakon a přełožer serbskich cyrkwinskich knihow.
Wón narodźi so jako syn swobodneho bura, pochadźaceho z Madźarskeje a wopytowaše wot 1676 Wjerchowsku šulu w Mišnje. Potom studowaše ewangelsku teologiju. Wot 1687 do 1690 bě z fararjom we Wochozach a wot 1690 hač do swojeje smjerće diakon w Michałskej wosadźe.
Raca běše čłon komisije, kotraž wuda w lěće 1693 mały katechizm, 1695 sćeńske knihi a 1696 agendu w serbskej rěči kaž tež 1703 přełožki Dawidowych psalmow.
Žórło
[wobdźěłać | žórłowy tekst wobdźěłać]- Rudolf Kilank: Raca, Michał. W: Jan Šołta, Pětr Kunze, Franc Šěn (wud.): Nowy biografiski słownik k stawiznam a kulturje Serbow. Ludowe nakładnistwo Domowina, Budyšin 1984, str. 461