Մասնակից:Շեյդի/Ավազարկղ Բ

Նունե Սարուխանյան;
Ծնվել է	դեկտեմբերի 10, 1962
Ծննդավայր	Բերդ, Հայաստան
Քաղաքացիություն	ՀՀ
Ազգություն	Հայ
Մասնագիտություն	Գիտնական, գյուղատնտես, գրող
Աշխատանք	Կանաչ արահետ ՀԿ, հիմնադիր-տնօրեն
Կայք	GreenLane

Նունե Գառնիկի Սարուխանյան (դեկտեմբերի 10, 1962, Բերդ, Հայաստան), հայ գիտնական, գրող, գյուղատնտեսական գիտությունների թեկնածու^[1]^[2]։ Նա հանդիսանում է 8 գրքի, 20 մենագրության, 36 գիտական աշխատությունների և 47 ուսուցողական հոդվածների հեղինակ^[3]։

Կենսագրություն

1986 թվականին ավարտել է Հայկական գյուղատնտեսական ինստիտուտի ագրոնոմիական, իսկ 1987 թվականին` նույն ինստիտուտի մեկամյա տնտեսագիտական ֆակուլտետը: 2003 թվականին ավարտել է ՀՀ ԳԱ Բանջարաբոստանային և տեխնիկական մշակաբույսերի գիտական կենտրոնի ասպիրանտուրան և նույն տարում պաշտպանելով գիտական թեզը՝ ստացել գյուղատնտեսական գիտությունների թեկնածուի գիտական աստիճան:

1988-1998 թվականներին աշխատել է Արցախի Հանրապետության Այգեստան (նախկինում՝ Բալլուջա) գյուղի միջնակարգ դպրոցում որպես քիմիա-կենսաբանության ուսուցչուհի, ինչպես նաև Ստեփանակերտի գյուղատնտեսական տեխնիկումում դասավանդել է ագրոնոմիական առարկաներ:

1998-2004 թվականներին աշխատել է Հայկական գյուղատնտեսական ակադեմիայի Ագրոգիտասփյուռ դեպարտամենտում որպես առաջատար մասնագետ:

2004 թվականից «Կանաչ արահետ» գյուղատնտեսության աջակցության ՀԿ-ի հիմնադիր անդամն ու ընտրված նախագահն է:

Իր աշխատանքային գործունեության ընթացքում Նունե Սարուխանյանը ուսուցանել և խորհրդատվություն է տրամադրել հազարավոր ֆերմերների և ոլորտի մասնագետների, այդ թվում՝ միջազգային կազմակերպությունների (UNDP, WFP, WB, EU, OSCE, USDA, ADA, ACF, CENN, BMZ, Sign of hope, UMCOR, World Vision և այլն) ծրագրերի շրջանակներում՝ օրգանական և կայուն գյուղատնտեսության, շրջակա միջավայրի պաշտպանության և կլիմայի փոփոխության թեմաներով:

Փորձի փոխանակման, ուսուցման և վերապատրաստման նպատակով եղել է երեք տասնյակից ավելի երկրներում։

Գրքագրություն

Կայուն գյուղատնտեսություն

Քառաբանություն ՝ «Կայուն գյուղատնտեսություն» ընդհանուր անունով։

Օրգանական գյուղատնտեսություն (2022) Մաս 1.
Բանջարաբուծություն (2023) Մաս 2.
Բակլազգիներ (2024) Մաս 3.
Հատապտուղներ (2024) Մաս 4.

Այլ

Գյուղատնտեսական աշխատանքների ուղեցույց^[4] (2012)
Օրգանական գյուղմթերքների շուկայի ձևավորումը^[5] (2014)
Կիտրոնի մշակություն (Արա Հովհաննիսյանի հետ համատեղ)^[6] (2015)
Ամեն ինչ գյուղատնտեսության մասին և ոչ միայն․ Կարդա, գունավորիր և սովորիր^[7] (2021)