TRT 6 - Թուրքիայի պետական TRT հեռուստառադիոընկերության քրդերեն լեզվով հեռարձակվող հեռուստաալիք[1]։ Թուրքիայի քրդերեն լեզվով առաջին հեռուստաալիքն է։ Եթեր է հեռարձակվում 2009 թվականի հունվարի 1-ից։ Կան նաև հաղորդումներ զազակի լեզվով։ Ուղղված է ընտանեկան դիտման համար, ներկայացվում են լրատվական թողարկումներ, գեղարվեստական և վավերագրական ֆիլմեր, մարզական, երաժշտական, մանկական և կանանց ուղղված հաղորդումներ, հեռուստասերիալներ։ Հեռուստաալիքը հասանելի է կաբելային հեռուստատեսության օպերատորների բաժանորդների համար, նաև հեռարձակվում է Türksat և Eutelsat արբանյակներից[2]։