Մվանզա

Մվանզա
Քաղաք
	Մվանզա
Երկիր	Տանզանիա
Համայնք	Mwanza Region?, Ilemela District? և Nyamagana District?
Հիմնադրված է	1892 թ.
ԲԾՄ	1140 մետր
Բնակչություն	▲706 453 մարդ (օգոստոսի 26, 2012)
Ժամային գոտի	UTC+3
	Մվանզա (Տանզանիա)
	Մվանզա (Տանզանիա)
	Մվանզա Վիքիպահեստում

Մվանզա (անգլ.՝ Mwanza), քաղաք Տանզանիայում։

Ընդհանուր տեղեկություն

Մվանզա քաղաքը Տանզանիայի Մվանզա շրջանի վարչական կենտրոնն է։ Քաղաքային բնակչության թիվը կազմում է 225 244 մարդ, արվարձաններում` 436 811 մարդ (2005 թվականի հունվարի 1-ի դրությամբ)։ Քաղաքը գտնվում է այն տարածքում, որտեղ ապրում են սուկումացիները։ Այն հանդիսանում է նաև Վիկտորիա լճի մեծ նավահանգիստ, միջազգային օդանավակայան, երկաթուղային հանգույց։ Բամբակյա խոշոր պլանտացիաները գտնվում են Մվանզայի շրջակայքում։ Լճային ձկնորսությունը կարևոր դեր ունի քաղաքի տնտեսության մեջ։ Քաղաքում գործում են լաստանավային ծառայություններ դեպի Տանզանիայի Մուսոմա և Բուկոբա նավահանգիստներ, ինչպես նաև Քենիա և Ուգանդա։

Աշխարհագրություն և պատմություն

Մվանզա քաղաքը գտնվում է Վիկտորիա լճի հարավային ափին, Տանզանիայի հյուսիս-արևմուտքում, Մվանզա ծոցի (Mwanza Gulf) արևելյան ափին։

Մվանզան հիմնադրվել է 1892 թվականին գերմանական գաղութային իշխանությունների կողմից։ 1916 թվականին քաղաքը գրավվել է բրիտանացիների կողմից:1920-ական թվականներին քաղաքի տարածքում հայտնաբերվել են ոսկու հանքեր։ 1928 թվականին Թաբորայից երկաթուղային գիծը բերվել է Մվանզա։ 1978 թվականին Ուգանդա-Տանզանիա Երկրորդ պատերազմի ժամանակ քաղաքը ռմբակոծվել է Ուգանդայի ՌՕՈՒ-ի կողմից։

Կլիմա

Քաղաքի կլիման մերձհասարակածային է։ Հոկտեմբերից դեկտեմբեր ամիսներին տեղում են կարճատև անձրևներ, մարտից մայիս ամիսներին՝ երկարատև։ Հունվարից փետրվար (ներառյալ) ամիսներին քաղաքում երաշտ է։ Տարածաշրջանում միջին տարեկան տեղումները 930 մմ է, հարավում, հարավ-արևելքում, Ուկերևյան կղզիներում՝ 1200 մմ։ Օդի ջերմաստիճանի վրա մեծ ազդեցություն ունի Վիկտորիա լճի մոտիկությունը։ Ջերմաստիճանը տատանվում է 25 °C մինչև 28 °C: Սեպտեմբեր, դեկտեմբեր ամիսներին ջերմաստիճանը հասնում է առավելագույն 29 °C, հունիս,օգոստոս ամիսներին՝ 11-20 °C:

Կլիմա
Ցուցանիշ	Հունվար	Փետրվար	Մարտ	Ապրիլ	Մայիս	Հունիս	Հուլիս	Օգոստոս	Սեպտեմբեր	Հոկտեմբեր	Նոյեմբեր	Դեկտեմբեր	Տարեկան
Միջին առավելագույն	29	28	29	28	29	29	29	29	29	29	29	28	28,8
Միջին նվազագույն	18	18	18	18	18	17	16	17	18	19	19	18	17,9
Տեղումների քանակ, մմ	97	104	155	145	94	20	13	20	46	46	114	147	1001
Источник: Weatherbase: Historical Weather for Mwanza, Tanzania