Jump to content

Playstation Vita

Վիքիպեդիայից՝ ազատ հանրագիտարանից
Playstation Vita
Изображение логотипа
Տեսակէլեկտրոնային սարքի մոդել
Ենթադասhandheld game console?
ՄշակողSony Interactive Entertainment
ԱրտադրողSony Interactive Entertainment
Կենտրոնական պրոցեսորARM Cortex-A9?[1]
ՕՀPlayStation Vita system software?
Քաշ219 գրամ[1]
ՆախորդPlayStation Portable
Կայքus.playstation.com/psvita/​(անգլ.), uk.playstation.com/psvita/​(անգլ.), jp.playstation.com/psvita/​(ճապոներեն) և playstation.com/da-dk/​(դան.)

PlayStation Vita, PS Vita (ճապ.՝ プレイステーション・ヴィータ Պուռեյսուտե՝ սյոն Վի՝ տա), Sony Computer Entertainment կողմից թողարկված դյուրակիր խաղային վահանակ, որը PlayStation Portable-ի նախորդն է։ Ճապոնիայում թողարկվել է 2011 թվականի դեկտեմբերի 17-ին, իսկ Հյուսիսային Ամերիկայում և Եվրոպայում՝ 2012 թվականի փետրվարի 22-ին։

Համակարգը թողարկվել է 2011 թվականի հունվարի 27-ին՝ PlayStation Suite-ի հետ[2], PlayStation Meeting 2011-ի ժամանակ[3]։ Թողարկումից առաջ վահանակը հայտնի էր՝ որպես PSP2, որի մասին հայտնի էր (ինչպես և PlayStation Phone-ի) կողմնակի մշակողների կողմից[4]։ Մինչև 2011 թվականի E3 շնորհանդեսը, համակարգը հայտնի էր Next Generation Portable (NGP) ф\աշխատանքային անվանման տակ։

Տեխնիկական բնութագիր

[խմբագրել | խմբագրել կոդը]

Սկզբնական բնութագիրը հայտնի է դարձել վահանակի թողարկման հետ[5]։ E3 2011-ից հետո տվյալները ճշտվել էին[6]։

  • Կենտրոնական պրոցեսոր՝ 4 միջուկային ARM Cortex™-A9 (մինչև 2.0 GHz հաճախականությամբ, մարտկոցի լիցքի խնայման համար կարող է իջեցվել Sony-յի կողմից)[7]։
  • Գրաֆիկական պրոցեսոր՝ OpenGL 2.0-ի (200 MHz, 133 MPolygon/s, 4 GPixel/s) աջակցմամբ և 128 մեգաբայթ ծավալով տեսահիշողությամբ PowerVR SGX543MP4+։
  • Օպերատիվ հիշողություն՝ 512 մեգաբայթ։
  • Էկրան՝ 5-դյույմանոց (127 մմ) OLED, 960 × 544 (16:9) 220 dpi, TrueColor։
  • Չափսեր (լայնություն × բարձրություն × հաստություն)՝ մոտավորապես՝ 182×83,55×18,6 մմ։
  • Ներմուծման միջոցներ՝ PlayStation-ի ստեղն, սնուցման ստեղն, խաչկապ (վեր / վար / աջ / ձախ), գործողությունների ստեղներ (եռանկյուն, շրջան, խաչ, քառանկյուն), կողմնային ստեղներ (L, R), 2 անալոգային ջոյսթիքներ, Start և Select ստեղներ, ձայնի բարձրության կարգավորման ստեղներ (+/-) և նաև բազմահատոր սենսորային էկրան և multi-touch-ով օժտված ետին սենսորային պանել (touchpad):
  • Հաղորդակցություն՝ IEEE 802.11 b/g/n Wi-Fi և Bluetooth 4.0 + EDR ադապտերներ, ինչպես նաև օպցիոնալ 3G-մոդեմ[8].
  • Տեսախցիկներ՝ առջևի և հետևի տեսահանում՝ 120 կադր/վայրկյան կադրերի հաճախականությամբ՝ 320x240-ի ժամանակ և 60 կադր/վայրկյան կադրերի հաճախականությամբ՝ 640x480-ի ժամանակ։
  • Լրացուցիչ՝ ստերեոբարձրախոսներ, խոսափող, եռառանցք էլեկտրոնային կողմնացույց, եռառանցք գիրոսկոպ և աքսելերոմետր (Sixaxis), նաև 3G-ի հետ մոդելում՝ GPS։
  • Remote Play-ի աջակցում (Վահանակի PlayStation 3-ի կառավարչի տեղ ցանցով օգտագործելու հնարավորություն)[9]։

Կրիչ

[խմբագրել | խմբագրել կոդը]
PlayStation Vita card

PlayStation Vita-յի խաղերը տարածվում են նոր Playstation Vita Card սեփական ֆորմատի ֆլեշ-քարտերի վրա, որոնք փոխարինել են UMD-ն[10]։ Բացի այդ, վահանակն ունի Memory Stick PRO DUO-ին փոխարինող և մինչև 64 ԳԲ տարողությամբ թողարկվող նոր հիշողության քարտերի միակցչի տեղ։ Եվրոպայում վաճառքների մեկնարկի ժամանակ մատչելի էին միայն 4-16 ԳԲ տարողությամբ քարտեր։ 5-10 %-ը վերապահված էր պահպանումների և պատչերի համար։ Ֆլեշ կուտակիչն օգտագործելով` Sony-ն պլանավորում էր թողարկել ավելի մեծ տարողություն ունեցող ֆլեշ-քարտեր[11]։ Նաև օգտատիրոջ PSN հաշիվը կապված է հիշողության քարտի հետ, բայց ոչ վահանակի[12]։

Ծրագրային ապահովում

[խմբագրել | խմբագրել կոդը]

Համակարգային ծրագրային ապահովում

[խմբագրել | խմբագրել կոդը]

PlayStation Vita-յում ավելացվել է նոր, XMB-յին փոխարինող ինտերֆեյս, որի առանձնահատկություններից մեկը Live Area[13] պատուհանն է, որը կա ամեն հավելվածում։ Իր մեջ տեղակայված են ձեր ընկերների ակտիվության մասին վերջին ինֆորմացիան, էլեկտրոնային հրահանգները և հավելվածի մեկնարկի ստեղնը։ Ամբողջությամբ ինտերֆեյսը իրենից ներկայացնում է խաղերի և հավելվածների պատկերակներով կենտրոնական ուղղահայաց թերթվող մենյու։

Վահանակում նախապես տեղադրված են near (ռուս.՝ «Рядом»), Party («Հավաքույթ»), Welcome Park («Ողջունման գոտի») հավելվածները և փոստային կլիենտը։ near-ը թույլ է տալիս փնտրել մոտակա տարածքի վահանակի սեփականատերերին, զննել նրանց խաղերը և նաև փոխանակել միմյանց վիրտուալ նվերները։ Party-ն հաղորդագրությունների և ձայնային կապի փոխադրման միջող է, որը անկախ է զուգահեռ օգտագործվող հավելվածից, ինչը՝ ըստ PlayStation.Blog Share-ի նախորդ՝ PlayStation վահանակների համար առավել պահանջված ֆունկցիա է[14]։

2011 թվականի օգոստոսին Sony ընկերությունը որոշ անկախ մշակողների համար անվճար ներկայացրել է dev kit-ը, իսկ նույն թվականի օգոստոսի կեսին PS Vita-յի խաղերի մշակման համար նախատեսված dev kit-ի պաշտոնական գինը 1 900 եվրո էր, երբ Playstation 2-ի և Playstation 3-ի համար նմանատիպ փաթեթները արժեին 20 000 եվրո, իսկ PSP-ի համար՝ 15 000 եվրո[15]։

2011 թվականի նոյեմբերին կայացած GDC 2011 աշխատաժողովի ժամանակ ներկայացվել են PlayStation Suite-ի մասին PS Vita-յի, Xperia Play-ի, Tablet-ի, Tablet P-յի և այլ ապագա վահանակների համար խաղեր և հավելվածներ մշակելու միջոցների հավաքածուի մասին մանրամասնությունները։ Այդ հավելվածների մշակումը անց է կացվում C# ծրագրավորման լեզվի օգնությամբ, որն աշխատում է Mono ֆրեյմվորքի հիման վրա ստեղծված Sony-ի վիրտուալ մեքենայում։ Որպես մշակման միջավայր ծառայում է PssStudio-ն, որն իր հերթին նույնպես IDE MonoDevelop-ի ընդլայնված տարբերակ է[16]։

Խաղեր

[խմբագրել | խմբագրել կոդը]

Վահանակի թողարկմանն առընթեր ներկայացվել են խաղերի հետևյալ շարքեր[17][18]՝ Call of Duty, Dynasty Warriors Next, Everybody’s Golf, Killzone, LittleBigPlanet, Metal Gear Solid, Resistance, WipeOut, Uncharted, Yakuza։ Ցուցադրվել են նաև առանձին խաղեր[19]՝ Broken, Dungeon Defenders, Hustle Kings, Gravity Rush, Little Deviants, Reality Fighters, Smart As։ Վահանակի հնարավորությունների դեմոնստրացիայի համար ցուցադրվել է տեղափոխված Unreal Engine շարժիչի աշխատանքը և PlayStation 3-ից տեղափոխված Lost Planet 2-ից մի տեսարան։ PlaySation Portable-ի հետ հետադարձ համատեղելիության դեմոնստրացիայի համար ցուցադրվել է երկու ջոյսթիքներն աջակցող Monster Hunter Portable 3rd խաղի ներբեռնվող տարբերակը։

PlayStation Suite-ի համարհայտարարվել են առաջին PlayStation-ի խաղեր՝ Cool Boarders 2, MediEvil, Rally Cross, Syphon Filter և Wild Arms[20]։

2011 թվականի հունիսի 7-ի վրա Sony ընկերությունը համագործակցում էր PlayStation Vita-յի համար նախատեսված խաղեր ստեղծող 76 մշակողների և հրատարակիչների հետ Ճապոնիայից, 20-ի հետ Հյուսիսային Ամերիկայից և 57-ի հետ Եվրոպայից[21]։

Sony-յի ներկայացուցիչները պատմել են, որ վաճառքների սկզբին գնորդներին մատչելի էր 25 խաղ, որոնց մեջ էին՝ FIFA 12-ը, Ultimate Marvel vs. Capcom 3-ը, Uncharted: Golden Abyss-ը, F1 2011-ը և այլ խոշոր խաղեր։ Ամբողջովին Sony-ն պլանավորում էր PlayStation Vita-յի վաճառքի մեկնարկի առաջին օրերը թողարկել մոտ հարյուր խաղ։ PlayStatin Vita-յի խաղերը Եվրոպայում և Ամերիկայում չեն արժում ավելի քան 50 ԱՄՆ դոլար։

Նաև PlayStationVita-ն ունի Remote Play («հեռացույց խաղ») ֆունկցիան․ խաղային գործընթացը PlayStation 3-ից և PlayStation 4-ից ցուցադրվում է դյուրակիր վահանակի էկրանին․ այդ ֆունկցիաից օգտվելով կարելի է PlayStation Vita-ն օգտագործել՝ որպես կառավարիչ։ Ի տարբերություն PlayStation 3-ի, որի միայն մի քանի խաղն են աջակցում այդ ֆունկցիան՝ PlayStation 4-ի բոլոր խաղերը աջակցում են այդ ֆունկցիան։ Որոշ խաղերում կարրելի է PlayStation Vita-յի, PlayStation 3-ի, ինչպես նաև PlayStation 4-ի միջև կարելի է խաչապլատֆորմային խաղ կազմակերպել[22]։

Հավելվածներ

[խմբագրել | խմբագրել կոդը]

Gamescom 2011-ի ժամանակ Sony-ն թողարկել է հավելվածներ Facebook-ի, Skype-ի, Netflix-ի, Twitter-ի և foursquare-ի համար, որոնք մատչելի կլինեն PlayStation Store-ի օգնությամբ։ Նաև ներբեռնման համար մատչելի կդառնան լրացոիցիչ հավելվածներ, օրինակ՝ Qriocity, Flickr, YouTube (թողարկվել է 2012 թվականի մայիսին), Hulu և Crackle (վերջին երկուսը թողարկվել են E3 2012-ի ժամանակ)։

Խաղային վահանակի թողարկում

[խմբագրել | խմբագրել կոդը]

E3 2011-ի ժամանակ Sony-ի շնորհանդեսում հայտարարվել է վհանակի գինը (RRP). Եվրոպայում՝ 249 եվրո առանց 3G, 299 եվրո՝ 3G-յով[6], Ամերիկայում՝ 249 դոլար առանց 3G, 299 դոլար՝ 3G-յով, AT&T-յից[23]։ Վահանակի պաշտոնական թողարկումը կայացել է 2001 թվականի դեկտեմբերի 17-ին՝ Ճապոնիայում, 2012 թվականի փետրվարի 22-ին վահանակը մատչելի է դարձել Հյուսիսային Ամերիկայում և Եվրոպայում[24]։

Վաճառքներ

[խմբագրել | խմբագրել կոդը]

CES 2012-ի ժամանակ Կադզուո Խիրայը հայտարարել է, որ արդեն վաճառվել է կես միլիոն վահանակ[25]։ 2013 թվականի փետրվարի 15-ի վրա վաճառված էր 4,1 միլին վահանակ։ Sony-ն չի պատրաստվում կանգ առնել ձեռք բերածի վրա և տեղեկացնում է, որ նրանց պլանների մեջ է մտնում այս ֆինանսային տարվա մեջ բարձրանցել վաճառնքերի թիվը մինչև 16 միլիոն (2012-2013 թվականներ)[26][27]։

2012 թվականի նոյեմբերի 8-ին խաղային վահանակի պաշտոնական գների իջացման մասին ինֆորմացիա է հայտնվել։ PlayStation Vita-յի Wi-Fi-յով և 3G-յով տարբերակի ծորհուրդ տրվող գինը 12 990 ռուբլի կկազմի, իսկ PlayStation Vita-յի միայն Wi-Fi-յով մոդելը կարժենա 9 990 ռուբլի[28]։

GamesCom 2013 ցուցահանդեսի ժամանակ Sony-ն հայտարարել է վահանակի գնի իջացման մասին։ PlayStation Vita-յի Wi-Fi-յով և 3G-յով տարբերակի պաշտոնական գինը կազմեց 8 990 ռուբլի։

Մամուլի արձագանք

[խմբագրել | խմբագրել կոդը]

Ընդհանուր առմամբ մամուլը դրական է դիմավորել PS Vita-յին, սակայն արդյունաբերության շատ գործիչներ ուշադրություն են դարձնում խաղերի փոքր գրադարանին և մարտկոցի աշխատանքի ոչ երկար ժամանակին (խաղի ռեժիմում վահանակը «ապրում է» 3-6 ժամ)[29]։

PS Vita 2000

[խմբագրել | խմբագրել կոդը]

2013 թվականի հոկտեմբերի 10-ին Ճապոնիայում թողարկվել է նոր տարբերակ՝ PCH-2000։ 2014 թվականի մարտի 21-ին այն սկսել է վաճառվել Եվրոպայում։ Slim-տարբերակը 20 %-ով ավելի բարակ է և 15 %-ով ավելի թեթև։ Էկրանը փոխարինվել է ավելի էժան IPS LCD դիսփլեյով, ինչը նկատելիորեն վատացրել է պատկերի որակը։ Սակայն Slim-տարբերակում ավելացրել են ինքնավար աշխատանքի մի քանի ժամ և ըստ Sony-ի հաստատման՝ վահանակը կարող է աշխատել մինչև 6 ժամ։ Նաև վահանակն ունի 1 ԳԲ ներկառուցված հիշողություն, բայց այն կարելի է օգտագործել միայն հիշողության քարտի բացակայման դեպքում․ երկու ֆունկցիաները միաժամանակ օգտագործելն անհնար է։ Հիշողության քարտը վահանակում դնելու դեպքում համակարգը կառաջարկի վահանակից տվյալները տեղափոխել հիշողության քարտ։ Տեղադրված է micro-USB անցք այն թույլ է տալիս համապատասխան լարի օգնությամբ լիցքավորել վահանակը։ Ամբողջ աշխարհում այն թողարկվել է ստանդարտ գույնով (սև), մինչդեռ Ճապոնիայում մատչելի էին մի քանի տարատեսակություններ՝ սպիտակ, սև, բաց երկնագույն, կանաչ լայմ, վարդագույն և կանաչ-շագանակագույն։

Խաղային վահանակի ջարդում

[խմբագրել | խմբագրել կոդը]

2016 թվականի հուլիսի 29-ին հայտնի է դարձել HENkaku ընդլայնման թողարկման մասին, որը iOS-ի JailBreak-ին և Android-ի Root-ին նմանատիպ էր, որի օգնությամբ վահանակի սեփականատերերը կարողանում էին մեկնարկել ջարդված խաղեր և ոչ պաշտոնական հավելվածներ[30]։ Տվյալ ընդլայնման տեղադրման համար պահանջվում է 3,60 պաշտոնական ներկառուցված ծրագրային ապահովում, միացում համացանցին և ԱՀ-ի վրա FTP-կլիենտ։ Այսօրվա վրա ջարդված խաղերի գրադարանը կազմում է ավելի քան 200 խաղ, նաև կան PlayStation-ի, Sega Mega Drive-ի, Nintendo DS-ի և այլ վահանակների էմուլյատորներ[31]։

Ծանոթագրություններ

[խմբագրել | խմբագրել կոդը]
  1. ↑ 1,0 1,1 PlayStation Vita PCH-200 Series Product Specification — Sony Group.
  2. ↑ «Знакомьтесь: PlayStation Suite». Արխիվացված է օրիգինալից 2013 թ․ դեկտեմբերի 12-ին. Վերցված է 2017 թ․ նոյեմբերի 3-ին.
  3. ↑ PlayStation Meeting 2011 Արխիվացված 2011-01-31 Wayback Machine(անգլ.)
  4. ↑ PSP2 Is Real, 'Pretty Powerful' And In Developers' Hands/ PSP2 in the hands of Mortal Kombat devs; 'It’s a pretty powerful machine' Արխիվացված 2010-12-31 Wayback Machine IndustryGamers, 16 сентября 2010
  5. ↑ Спецификации NGP | PlayStationВ®Meeting 2011 Արխիվացված 2011-07-05 Wayback Machine(անգլ.)
  6. ↑ 6,0 6,1 «Новости PSN — Представляем систему PlayStation Vita». Արխիվացված է օրիգինալից 2015 թ․ փետրվարի 5-ին. Վերցված է 2017 թ․ նոյեմբերի 3-ին.
  7. ↑ «PS Vita vs Nintendo 3DS vs Nintendo 3DS XL Vs iPhone 4S: Specs Compared» (անգլերեն). Now Gamer. Արխիվացված է օրիգինալից 2012 թ․ դեկտեմբերի 17-ին. Վերցված է 2012 թ․ դեկտեմբերի 14-ին.
  8. ↑ Andrew House talks Sony NGP price, 3G version, more — Page 2 Eurogamer
  9. ↑ Sony: Vita could be used as PS3 controller VG247
  10. ↑ NGP games will come on 2GB and 4GB cards, with room for save data, patches | Joystiq(անգլ.)
  11. ↑ SONY COMPUTER ENTERTAINMENT ANNOUNCES ITS NEXT GENERATION PORTABLE ENTERTAINMENT SYSTEM Արխիվացված 2011-01-28 Wayback Machine(անգլ.)
  12. ↑ Vita Will Allow Multiple PSN Accounts, Sony Says | Game|Life | Wired.com
  13. ↑ NGP’s LiveArea Detailed Արխիվացված 2012-01-25 Wayback Machine IGN(անգլ.)
  14. ↑ PlayStation.Blog Share Արխիվացված 2012-08-27 Wayback Machine, PlayStation.Blog («Cross Game Voice Chat» — 25120 голосов, 12.06.2011)(անգլ.)
  15. ↑ Vita devkits cost much less than kits for PSP and PS3(անգլ.)
  16. ↑ «A look around the PlayStation Suite tools and SDK» (անգլերեն). gamefromscratch.com. 22 апреля 2012. Արխիվացված է օրիգինալից 2012 թ․ հուլիսի 12-ին. Վերցված է 2012 թ․ մայիսի 13-ին.
  17. ↑ Watch the reveal of NGP and PlayStation Suite in 1080p HD PlayStation.Blog, запись конференции(անգլ.)
  18. ↑ Uncharted Leads The PSP2’s First Game Lineup Kotaku
  19. ↑ NGP’s Killzone, Uncharted, Resistance and More in Action Kotaku
  20. ↑ PlayStation Games Coming To Android Phones Արխիվացված 2011-02-01 Wayback Machine Kotaku
  21. ↑ SONY COMPUTER ENTERTAINMENT ANNOUNCES «PLAYSTATION®VITA» AS THE OFFICIAL NAME FOR NEXT GENERATION PORTABLE ENTERTAINMENT SYSTEM Արխիվացված 2011-06-10 Wayback Machine(անգլ.)
  22. ↑ Голоса GamesDayUA. Александр Кириллов о PlayStation Vita. Արխիվացված 2012-07-10 Wayback Machine — Игровой портал Gamestar.ru
  23. ↑ NGP is now PlayStation Vita, Starting at $249(անգլ.)
  24. ↑ Hirai: Vita to get 2011 JP launch, early 2012 for US/EU(անգլ.)
  25. ↑ Gamasutra — News — PlayStation Vita sells over 500K to consumers
  26. ↑ Мировые продажи PSVita достигли 4,1 млн консолей
  27. ↑ Purchese, Robert (2012 թ․ մայիսի 10). «Sony earnings call reveals worldwide PS Vita sales». Eurogamer (անգլերեն). Վերցված է 2017 թ․ նոյեմբերի 4-ին.
  28. ↑ «PS Vita подешевела в России». ВГТРК. Արխիվացված է օրիգինալից 2013 թ․ հունվարի 22-ին. Վերցված է 2013 թ․ հունվարի 19-ին.
  29. ↑ «GameStar: PlayStation Vita — миелофон имени Sony». Արխիվացված է օրիգինալից 2012 թ․ մայիսի 4-ին. Վերցված է 2017 թ․ նոյեմբերի 4-ին.
  30. ↑ [{{Cite web|url=http://4pda.ru/2016/07/29/313959/ |title=PlayStation Vita полностью взломали|publisher=4PDA - 4PDA
  31. ↑ [%5bHENKaku Homebrew] The Listing of all VPKs «HENKaku Homebrew» (անգլերեն). Վերցված է 2017-01- Заголовок добавлен ботом 20-ին. {{cite news}}: Check |url= value (օգնություն); Unknown parameter |GBAtemp.net -> work= ignored (օգնություն)

Արտաքին հղումներ

[խմբագրել | խմբագրել կոդը]
Ստացված է «https://hy.wikipedia.org/w/index.php?title=Playstation_Vita&oldid=9910024» էջից