Թաքնա (Թաքանա) (սպ.՝ Tacna), քաղաք Փերուի հարաւը, նոյնանուն նահանգին վարչական կեդրոնն է։ Կը գտնուի Չիլիի սահմանէն 35 Քմ. հեռաւորութեան վրայ։ 1836-1839 թուականներուն եղած է Փերու-Պոլիվիական մայրաքաղաքը։
Սկիզբը կոչուած է Սան Փեթրօ տը Թաքնա: Ժողովուրդը ճանչցուած է իբրեւ հայրենասէր ժողովուրդ: Քաղաքին մէջ բազմաթիւ յուշարձաններ եւ փողոցներ անուանուած են Փերուի անկախութեան պայքարի հերոսներուն (1821-1824) եւ Խաղաղական ովկիանոսի պատերազմի (1879-1883) հերոսներուն անուններով: Թաքնայի բնակիչները սպաներէնով յայտնի են tacneños անունով: