Saltar al contento

Incendio al Museo National de Brasil

Non revidite
De Wikipedia, le encyclopedia libere
Statua de Dom Pedro II, e al fundo, le edificio in flammas.

Le incendio al Museo National esseva un incendio de grande proportiones que attingeva le sede del Museo National in Quinta da Boa Vista, Rio de Janeiro, in le nocte del 2 de septembre 2018, destruente quasi le totalitate del collection historic e scientific construite durante duo centos annos, e que comprendeva circa 20 milliones de objectos catalogate. In addition a su collection ric, le edifício historic que albergava le Museo, le ancian residentia official del Imperatores de Brasil, etiam ha essite multo damnificate con fissuras, le collapso de su tecto, e le cadita de placas interne.[1]

Antecedentes

[modificar | modificar fonte]
Le edificio del Museo National, in 2010.

Le Museo National presentava deficientias in le securitate contra incendios. In un inspection realisate le 15 de septembre de 2014, le Ministerio de Transparentia e le Controlator-General del Union (CGU) constatava que le institution non habeva un reporto actualisate de inspection del Corpore de Pumperos. Le CGU concludeva que le visita del pumperos e le emission del reporto esserea un mesura importante pro garantir le securitate del installationes. Le mense sequente al inspection, le museo informava le CGU que un accordo habeva essite signate inter le Ibram (Instituto Brasilian de Museos) e le Corpore de Pumperos de Rio de Janeiro pro le realisation de un visita technic.[2] In 2004, ja habeva occurrite un alerta per parte del governamento statal del Rio de Janeiro que le Museo National curreva le risco de incendio, associate al mal qualitate del installationes electric del edificio.[3]

Le subventiones del governamento federal al museo etiam habeva cadite a circa le medietate in cinque annos: de 1,3 milliones de reales in 2013 a 643 milles reales in 2017. Le datos esseva levate per le Commission de Budget del Camera de Deputatos, con base in le Siafi (Systema Integrate de Administration Financiari) del governamento federal per le Folha de S.Paulo, que corrigeva le valores per le inflation del periodo.[2] Con le reductiones, le museo monstrava signos de mal conservation, como parietes exfoliante se e filos electric exponite.[4] In 2018, usque julio, solmente 71 milles reales esseva transferite al museo.[5] Le museo habeva complite 200 annos in junio de 2018, in medio de un situation de abandonamento.[6] Le vice-director del museo, Luiz Fernando Dias Duarte, refereva al negligentia suffrite per le institution durante successive governamentos.[7]

Le UFRJ, que administra le institution, reduceva de 709 milles reales, in 2013, a 166 milles reales, in 2017, le dispendio pro le functionamento del museo, secundo le inquesta del Camera. Le pro-rector de Planification e Financias del UFRJ, Roberto Gambine, diceva que le universitate non ha ressources sufficiente pro facer le mantenentia de su 15 edificios classificate como monumentos historic in Rio e diceva timer que le sorte del altere edificios essera le mesme que illo del Museo National.[2] Le rector del UFRJ, Roberto Leher, affirmava que ille ja habeva signate con le BNDES un contracto pro reciper ressources pro un renovation, que includeva un systema pro prevenir incendios, ma non habeva tempore pro le liberation del fundos. Le rector etiam affirmava que le UFRJ non habeva conditiones financiari pro mantener le brigada de incendio durante 24 horas in le museo.[8]

Incendio

[modificar | modificar fonte]

Le 2 de septembre 2018, post le clausura del horario de visitation, un incendio de grande proportiones attingeva tote le tres planos del edificio del Museo National, in le Quinta da Boa Vista, in le citate Rio de Janeiro.[9] Le pumperos esseva activate a 19h30,[10] arrivante rapidemente al loco.[6]

A 21 horas, le foco esseva foras de controlo, con grande flammas e explosiones occasional,[11] essente combattite initialmente per pumperos de quatro quartieros,[12] numero postea ampliate a dece quartieros.[13] Circa 21h15, un equipa specialisate de pumperos entrava in le edificio pro tentar blocar areas ancora non attingite per le flammas, e evalutar le extension del damnos.[14]

Octanta pumperos de dece quartieros combatteva le flammas, que comenciava circa 19h30. Le incendio esseva controlate plus de sex horas postea, a causa del difficultate per le manco de aqua in le hydrantes proxime, essente necessari captar in un laco proxime e transportar per camiones de aqua verso le puncto de combattimento. Duo vehiculos auto-scala esseva usate, con duo camiones de aqua alternante in le fornimento de aqua pro le labor del pumperos.[13] Duas viaturas auto-escada estavam sendo usadas, com dois caminhões-pipa se revezando no fornecimento de água para o trabalho dos bombeiros.[14]

Decenas de functionarios del museo accompaniava le combattimento del flammas.[6] Duo planos del edificio esseva ja bastante destruite e le tecto habeva collabite. Secundo Edson Vargas da Silva, bibliothecario e functionario durante 43 annos in le museo que accompaniava le incendio al loco, "Il ha multe papiro, le pavimento de ligno, multo cosas que arde multo rapidemente."[14]

Consequentias

[modificar | modificar fonte]

Destruction del collection

[modificar | modificar fonte]
Le reconstruction facial e le cranio de Luzia, "le prime brasiliana", esseva exhibite in le museo e possibilemente esseva destruite

Le tres planos del edificio esseva multo destruite e le tecto collabeva.[14] Secundo le vice-director del museo, Luiz Fernando Dias Duarte, tote le collection del Imperatrice Teresa Cristina, le frescos de Pompei, le Throno del Rege de Daomé,[15] assi como le collectiones linguistic esseva perdite.[7] Inter le articulos que se estima destruite per le foco es le fossile human le plus antique trovate in Brasil, trovate in 1974 e baptisate "Luzia". Le collectiones paleontologic que se trovava ibi includeva le "Maxakalisaurus topai", un dinosauro trovate in Minas Gerais e le prime de grande dimensiones montate in Brasil. Le collection ethnologic contava con artefactos del cultura afro-brasilian, african e indigena, como objectos rar del tribo tikuna, in addition a articulos polynesian, assi como le throno del rege african Adandozan (1718-1818), donate per su ambassatores al prince regente, futur D. João VI, in 1811.[16]

Le museo es actualmente administrate per le Universitate Federal de Rio de Janeiro, habeva un character academic e scientific[16] e esseva un centro recognoscite de recerca in historia natural e anthropologic in America Latin.[17] Tote le labor de circa 90 investigatores que conduceva lor recercas ibi esseva perdite. Tote le Archivo Historic, que se trovava immagazinate in un puncto intermedie del edificio, esseva destruite,[7] assi como duo exhibitiones in duo ares del facie del edificio principal.[12] Un inquesta complete del damnos ancora non poteva esser realisate a causa del intensitate del foco in le loco e del risico de explosiones.[12] Un parte del collection non se trovava in le edificio in flammes e non esseva affectate. Nonobstante, le foco consumeva tote lo que se trovava in exhibition. Le Jardin Zoologic de Rio de Janeiro, situate multo proxime al loco, etiam non esseva attingite.[14] Le quatro agentes de securitate que se trovava laborante in le loco poteva escappar e il non habeva registration de victimas.[12]

Damno structural

[modificar | modificar fonte]

Le Defensa Civil del municipio annunciava que, in addition del area interne del Museo National, le parte proxime al faciada etiam esseva interdicite, perque il habeva le periculo que duo statuas in le summitate del edificio collaberea. Illos esseva 23, e un de illos jam habeva cadite. Il habeva le risco de collapso interne del parietes divisori, que esseva sin ligamine. Tote le parietes e placas curreva le risco de cader, e cata area de projection del faciada habeva essite isolate debite al risco de distachamento de ornamentos, revestimentos, e armationes. Le securitate del statuas esserea verificate e il habeva un isolation interne, que solmente esserea removite post le completion del servicios de inspection, demolition, e supporto de emergentia in areas con risco, e solmente post isto, on poterea permitter le remotion de detritos. Con le refrigeration, le risco de caditas interne augmentava perque le aqua facilitarea le lapsos de terreno, motivo pro le qual le pumperos operava del latere externe. Le Defensa Civil etiam sublineava que iste detritos non poteva esser removite e discartate de maniera simple. Illo esserea un secunde labor de archeologia, realisate sur le loco mesme. Illos esserea portate a un loco secur, post le elimination del riscos interne, de maniera que le functionarios del museo poterea trovar alcun material utilisabile del collection.[18]

Investigation

[modificar | modificar fonte]

Le reporto final del Policia Federal (PF) indicava que le incendio esseva causate per un supercalefaction causate per un curte circuito de un conditionator de aere,[19] resultante de un installation electric inadequate.[20] Le PF coordinava le investigation sur le causas del incendio. Expertos faceva un scan tridimensional del edificio con un scanner a laser installate in le parte frontal del Palatio São Cristóvão. Imagines prendite per drones e cameras digital tamben esseva usate pro crear un specie de modello tridimensional del edificio. Eventual imagines registrate per cameras de securitate in le edificio tamben esseva cercate pro fornir indicios sur le causas del foco. Finalmente, le experto analysava le condition del installationes electric del museo e lor stato de conservation.[21]

Vide etiam

[modificar | modificar fonte]
 Wikimedia Commons ha files multimedia de: Incendio al Museo National de Brasil

Referentias

[modificar | modificar fonte]
  1. ↑ Museu Nacional guarda acervo de mais de vinte milhões de itens.
  2. ↑ 2,0 2,1 2,2 Folha de S. Paulo:Repasse federal ao Museu Nacional cai à metade nos últimos cinco anos (3 de septembre 2018). Recuperate le 3 de septembre 2018.
  3. ↑ Museu Nacional do Rio pode sofrer incêndio, diz secretário. memoria.ebc.com.br (03/11/2004). Recuperate le 2018-09-03.
  4. ↑ Jornal Folha de S.Paulo. Incêndio atinge o Museu Nacional na Quinta da Boa Vista, no Rio. Mais antigo do país, museu tem 20 milhões de itens e apresentava problemas de manutenção. Recuperate le 2 de septembre 2018.
  5. ↑ "Museu Nacional: orçamento cai 77% em relação ao ano passado" (2018-09-03). 
  6. ↑ 6,0 6,1 6,2 "Incêndio atinge Museu Nacional, no Rio - Brasil - Estadão" (2 de septembre 2018). Estadão. Recuperate le 2 de septembre 2018. 
  7. ↑ 7,0 7,1 7,2 "Vice-diretor do Museu Nacional cita 'descaso' de vários governos e que incêndio destruiu tudo" . G1. 
  8. ↑ Ministro diz que MEC vai repassar já R$ 10 milhões para UFRJ recuperar Museu Nacional. G1 (3 de septembre 2018). Recuperate le 3 de septembre 2018.
  9. ↑ G1 Rio. Incêndio de grandes proporções atinge o Museu Nacional, na Quinta da Boa Vista. Ainda não há informações sobre feridos ou sobre as causas do fogo, que começou após o fechamento do museu a visitantes. Instituição criada por Dom João VI tem 200 anos de história.. G1. Recuperate le 2 de setembro de 2018.
  10. ↑ "Incêndio destrói prédio do Museu Nacional no Rio de Janeiro" (2 de septembre 2018). VEJA.com. Recuperate le 2 de septembre 2018. 
  11. ↑ Incêndio atinge Museu Nacional, no Rio. Terra Online. Recuperate le 2 de septembre 2018.
  12. ↑ 12,0 12,1 12,2 12,3 "Incêndio no Museu Nacional destrói coleções e exposições" (2018-09-03). Agência Brasil. 
  13. ↑ 13,0 13,1 Incêndio que destruiu Museu Nacional, no Rio, durou mais de seis horas. Folha de S.Paulo (3 de septembre 2018).
  14. ↑ 14,0 14,1 14,2 14,3 14,4 "Parte do teto do Museu Nacional já desabou com incêndio - ISTOÉ Independente" (2018-09-02). ISTOÉ Independente. Recuperate le 2 de septembre 2018. 
  15. ↑ Trono de Daomé. Recuperate le 3 de septembre 2018.
  16. ↑ 16,0 16,1 "O que tinha no acervo do Museu Nacional do Rio de Janeiro e que foi consumido pelo fogo" (2018-09-02). BBC News Brasil. Recuperate le 3 de septembre 2018. 
  17. ↑ Group, Global Media (2018-09-03). "Incêndio destruiu Museu Nacional do Rio de Janeiro". DN. 
  18. ↑ Coordenador da Defesa Civil diz que é um risco de queda de estátuas da fachada do Museu Nacional (6 de septembre 2018).
  19. ↑ Curto em ar-condicionado causou fogo que destruiu Museu Nacional, diz perícia. Estadão (23 de martio 2019). Recuperate le 23 de martio 2019.
  20. ↑ Gambiarras nas instalações elétricas provocaram incêndio no Museu Nacional (4/4/2019).
  21. ↑ Polícia Federal usa escaneamento 3D em investigação do incêndio no Museu Nacional. Estadão Conteúdo (5 de setembro de 2018). Recuperate le 8 de setembro de 2018.
Nota
Nota
Iste pagina contine material traducite ab Wikipedia in portugese. Le articulo original se trova in le version 64619200 de pt:Incêndio no Museu Nacional do Brasil, e es usate secundo le mandatos del licentia de Wikipedia.
Obtenite de “https://ia.wikipedia.org/wiki/Incendio_al_Museo_National_de_Brasil”