Monasterio
| Monasterio |
|---|
| instantia de: building type[*] |
| subclasse de: structure of worship[*], institutional complex[*], religious building[*], religious complex[*], localitate populate[*], architectural structure[*] |
|
|
| Commons: Monasteries |
Un monasterio[1] es un edificio concipite pro reciper monachos, ubi illes face le vita in commun. In le principio, le monasterio era solmente le cella de un unic eremita o anachoreta, pro depost crescer usque esser un edificio compartite inter su habitantes, nominate monachos.
Le grandor de un monasterio pote esser multo variabile: de monasterios multo parve a monasterios con un multitude de edificios monastic auxiliar occupate per un numero variabile de monachos, de un parve gruppo de tres o quatro a centenas de monachos.
Le uso de un edificio occupate per monachos es commun a multe religiones o philosophias, con le characteristica commun de que su monachos habitantes face le obligation a compartir inter illes un vita religiose al seno del societate civil in le qual es su origine. In le majoritate del religiones le establimento de un monasterio es submittite a qualque regulas del communitate, regulas que regula aspectos del vita in commun: le sexo del habitantes, le imposition del celibato o le renunciation al derectos de proprietate private. Tamben es regulate in miscalanee regulas le possibilitate de contactos inter le monachos, que pote esser completemente isolate del altere monachos, anque comparti le mesme edificio. De altere regulas regula tamben le relationes del monachos con le societate civil (il ha ordines dedicate al inseniamento, al effortio del professiones sanitari o a de altere servicios, como le evangelisation del seculares o personas alien del ordines religiose.
Le monasterio e su monachos coperi lor necessitates vital (alimentation, vestimentos o de alteres) de manieras multo variate: per le effortio de un profession como le agricultura o le cultura animal (?) pro producer su proprie alimentos e bibitas; per le specialisation in le production de un producto concrete: bira, bibitas alcoholic, caseo, pastisseria o alteres; per le almosnas o donationes del societate civil.
Etymologia
[modificar | modificar fonte]Le parola monasterio ha su origine in grec μοναστήριον (monasterion), con le radice μόνος-monos (es dicer, "uno sol"), per esser in le initio del monachismo christian tote le monachos eremitas individual. Le prime autor cognoscite qui usava le parola monasterion esseva le philosopho judee del seculo I Philon de Alexandria.
Altere parolas in altere culturas
[modificar | modificar fonte]In altere linguas e culturas on usa altere parolas pro nominar le monasterios. Assi, le monasterios buddhista son nominate viharas (un parola del lingua pali); le viharas pote esser solmente pro monachos masculin o pro monachas, o mesme esser solmente un templo de culto. In le buddhismo tibetan son nominate gompas, e in Thailandia, Laos e Cambodgia recipe le nomine de wat.
In le hinduismo le monasterios son nominate matha, mandir, koil, o plus frequentemente ashram; in le jainismo on usa le parola buddhista, vihara.
Altere parolas in le cultura occidental
[modificar | modificar fonte]In le christianismo, on usa tamben altere parolas, como abbatia.
Le monachismo christian
[modificar | modificar fonte]Su origines
[modificar | modificar fonte]Le monachismo in le christianismo appareva post le morte de Jesus de Nazareth, quando su discipulos se mitteva in motion al mundo. In le prime communitates de christianos on faceva un vita multo simple, in compartiente benes e proprietates e faciente assi un vita commun, que es un del characteristicas del vita monastic. On dice que le prime monacho christian esseva Sancte Johannes Baptista, que era de religion judee, quando le nascente christianismo era solmente un secta intra le judaismo.
Circa le seculo III, parve communitates establiva se in le desertos de Oriente Medie, pro conducer un vita plus reservate e approximate al vita del prime communitates christian. Anque in le initio illes viveva separate le unes del alteres, como eremitas in grottas o cabanas individual, posteriormente comenciava un vita in commun, in le prime momentos solmente pro coperir le necessitates le plus basic, sin necessitate de haber un edificio commun. Appareva assi alicun parve monasterios in Egypto, Syria o le Sinai, relationate con le christianismo in Egypto. Un personalitate distinguite de iste prime communitates monastic esseva Sancte Antonio Abbate, que era de origine egyptian e vendeva su benes pro devenir monacho.
Le prime monasterios non esseva in realitate plus que mer aggruppationes de cabanas individual circumferite de un muro, sin plus functiones que le mutual protection e adjuta inter le monachos, qui continuava con lor vita eremitic, anque ara con plus contactos con altere monachos. Solmente celebrava se conjunctemente le mestieros religiose del dominicas.