Sacre Corde
Le Sacratissime Corde de Jesus (Latino: Cor Jesu Sacratissimum) es un del devotiones catholic le plus largemente practicate e cognoscite, ubi le corde de Jesus Christo es considerate como un symbolo del "amor infinite e passionate de Deo pro le humanitate". Iste devotion a Christo es principalmente usate in le Ecclesia Catholic, sequite per anglicanos de ecclesias catholic del altar e alcun orthodoxes de Ritos Occidental. In le Ecclesia Latina, le Solemne Liturgia del Sacratissime Corde de Jesus es celebrate le tertie venerdi post Pentecoste. Anque le 12 promissas del Sacratissime Corde de Jesus es extrememente popular.
Le devotion se preoccupa specialmente de lo que le ecclesia considera esser le amor e compassione longanime del corde de Christo verso le humanitate. Le popularisation de iste devotion in su forma moderne deriva de un monacha catholic roman de Francia, Margaret Mary Alacoque, qui affirmava haber apprendite le devotion de Jesus durante un serie de apparitiones a illa inter 1673 e 1675, e posteriormente, in le seculo XIX, de revelationes mystic de un altere monarcha catholic in Portugal, Maria del Divin Corde, un soror religiose del congregation del Bon Pastor, qui petiva in nomine de Christo que le Papa Leone XIII consecrava le mundo integre al Sacratissime Corde de Jesus. Predecessores al devotion moderne emergeva indubitabilemente in le Medievo in varios aspectos del mysticismo catholic, particularmente con Gertrude le Grande.