Azawad

Azawad es un nómine dat al nordal parte del west-african land Mali.

In 6 de april 2012 li Tuareg organisation MNLA (Movement national por li liberation de Azawad) declarat li índependentie de Azawad de Mali. Ma ti declaration ne esset aconosset internationalmen. E ja bentost islamist gruppes expulset li MNLA del potentie.

Per un militari intervention de Francia it devenit denov un parte de Mali.

Li parol Azawad significa in li lingue del Tuareg país del nomades.

Li cité capital de Azawad es Gao. Li max grand cités es Gao e Timbuktu.

Azawad consiste del regiones Timbuktu, Gao e Kidal e li nord-ost del region Mopti.

In Azawad habita diferent tribes, ma li nomadic Tuareg es li suprem etnic gruppe.

Li para-militari organisation de Tuareg MNLA (Movement national por li liberation de Azawad) es li dominant political gruppe. Li MNLA directe li insurection contra li guvernament de Mali.

Nu li MNLA denov demanda que Azawad mey devenir un autonom region.