Klaus Iohannis

Klaus Werner Iohannis (anc scrit: Johannis) es un politico de Rumania. Il nascet li 13-im de junio 1959 in Sibiu e es desde li 21-im de decembre 2014 presidente de Rumania. Klaus Iohannis apartene al german minoritá in Rumania.

Personal e professional vive

Inter 1979 e 1983 Klauis Iohannis studiat fisica in Cluj-Napoca. Pos to il laborat quam instructor inter 1983 e 1989 in diferent scolas in Sibiu e inter 1990 e 1997 in li licéo Brukenthal-Lyzeum. Inter 1997 e 1999 Iohannis esset ductent general-scola-inspector in li Districte Sibiu.

Desde li annu 1989 il maritat Carmen Iohannis. Li cuple ne have infantes.

Political cariera

1990 Klaus Iohannis devenit membre del Democratic Forum de Germanes in Rumania, quel es li political organisation del german minoritá in Rumania.
2000-2014 Klaus Iohannis esset borgomastro de Sibiu.
2013 Iohannis es electet quam vice-presidente del National Liberal Partise.
2014 Klaus Iohannis es electet quam presidente del National Liberal Partise e ganiat in li electiones presidential in li duesim rond contra Victor Ponta con 55,5 percentes contra 45,5 percentes. Li 21-im de decembre Iohannis devenit oficialmen presidente de Rumania.
2019 Klais Iohannis es reelectet quam presidente de Romania. Il ganiat in li duesim rond ye li 24-im de novembre 2024 con 66,1 percentes contra Viorica Dăncilă, qui recivet 33,9 percentes.