Tarja Halonen
| Tarja Kaarina Halonen | ||
| Prezidanto di | ||
| Guvernisteso: | de la 1ma di marto 2000 til la 1ma di marto 2012 | |
| Precedanto: | Martti Ahtisaari | |
| Sucedanto: | Sauli Niinistö | |
| Personal informi | ||
| Naskodato: | 24 di decembro 1943 | |
| Naskoloko: | Helsinki, Finlando | |
| Spozo: | Pentti Arajärvi | |
| Profesiono: | advokatino e politikistino | |
| Politikala partiso: | Social-demokrata Partiso di Finlando (Suomen Sosialidemokraattinen Puolue, SDP | |
Tarja Kaarina Halonen (n. ye la 24ma di decembro 1943) advokato e politikistino, esis prezidanto di Finlando de 2000 til 2012. El esis l'unesma muliero elektita prezidanto di Finlando.
Biografio
[redaktar | redaktar fonto]Tarja naskis ye 1943 en Helsinki, en quartero di Kallio, qua esas konocata de laboristi e suportanti di sinistra idei. Pos la interna milito di Finlando 1918 elua senmariajita avino mustis donar ek lua quar filii du a flegerio e du a tuteleso. Un ek la tutelita esis la matro di Tarja, qua ankore senmariajite naskigis filiino ye 1943. Tarja ipsa divenis senmariajita matro ye 1978. Pro tala historio dicesas pri nedependanta e fortamentala mulieri koncerne a la acendentaro di Tarja Halonen.[1]
Pos finar liceo el komencis studiar Historio dil Arto en 1962 en l'universitato di Helsinki, ma en la sequanta yaro el chanjis kurso, vers lego, ed obtenis gradizo en 1968 kun specaleso en kriminala lego. El verkis kom advokatino dum kelka yari, e pos verkar en sindikato, el decidis enirar politiko en 1971, en Social-demokrata partiso di Finlando. Tarja Halonen divenis parlamentano en 1979.
- Guvernerii, quin Tarja Halonen partoprenis[1]
En guvernerio di chefa ministro Harri Holkeri:
- duesma ministro dil sociala e sanesala aferi de 30ma di aprilo 1987 til 28ma di februaro 1990
- ministro dil yuro de 1ma di marto 1991 til 26ma di aprilo 1991
En unesma guvernerio di chefa ministro Paavo Lipponen:
- ministro dil exterlandala aferi de 13ma di aprilo 1995 til 15ma di aprilo 1999
En duesma guvernerio di chefa ministro Paavo Lipponen:
- ministro dil exterlandala aferi de 15ma di aprilo 1999 til 25ma di februaro 2000
- Guvernerii, quin Tarja Halonen delegis[1]
- guvernerio di Anneli Jäätteenmäki de la 17ma di aprilo 2003 til la 24ma di junio 2003
- unesma guvernerio di Matti Vanhanen de la 24ma di junio 2003 til la 19ma di aprilo 2007
- duesma guvernerio di Matti Vanhanen de la 19ma di aprilo 2007 til la 22ma di junio 2010
- guvernerio di Mari Kiviniemi de la 22ma di junio 2010 til la 22ma di junio 2011
- guvernerio di Jyrki Katainen de la 22ma di junio 2011
Ka vu savis, ke …
[redaktar | redaktar fonto]En 1978 grupo de Finlandana parlamentani ekflugis per aviono (Douglas DC-3), ma l'aeroplano falis en Siilinjärvi ed omna 15 pasajeri mortis. Tarja Halonen partoprenabus la grupo, ma lua mediko interdiktis departar pro la longe developinta gravideso. Do lua nenaskonta filiino salvis la vivo di futura prezidanto.