Lafði Godiva
Lafði Godiva (um 980 – 1067) var engilsaxnesk hefðarkona sem sagt er að hafi riðið nakin í gegnum Coventry á Englandi til að fá bónda sinn Leofric jarl af Merkju til að draga úr þeim mikla skatti sem hann lagði íbúa bæjarins.
Goðsögnin
[breyta | breyta frumkóða]Sagan segir að Lafði Godiva hafi verið undurfögur kona Leofric III, jarls af Merkju og lávarðs af Coventry. Íbúar bæjarins máttu þola skort vegna þess mikla skatts sem jarlinn lagði á þá, lafði Godiva fannst nóg um og bað bónda sinn ítrekað að draga úr sköttunum, að lokum varð hann svo þreittur á ítrekuðum beiðnum hennar að hann sagðist muna draga úr skattinum ef hún myndi ríða nakin um götur bæjarins. Lafðin tók hann á orðinu og gerði það eftir að hún hafði gefið út tilkynningu þess efnis að íbúar bæjarins skyldu halda sig innandyra og loka gluggum sínum meðan á reiðinni stæði, sem allir íbúar bæjarins gerðu nema klæðskeri einn sem boraði göt í gegnum gluggahlera sinn. Hann var eftir þetta var þekktur sem gluggagægir[1] og sagt er að hann hafi orðið blindur fyrir vikið. Eftirmálar atviksins voru þeir að Leofric stóð við orð sín og afnam þessa miklu skatta.
Neðanmálsgrein
[breyta | breyta frumkóða]- ^ Á ensku Peeping Tom, en Peeping Tom er slanguryrði yfir gluggagægi í ensku sem á rætur sínar að rekja til þessarar goðsagnar.
Heimild
[breyta | breyta frumkóða]- Fyrirmynd greinarinnar var „Lady Godiva“ á ensku útgáfu Wikipedia. Sótt 27. október 2005.
Tengt efni
[breyta | breyta frumkóða]- Loftsteinninn 3018 Godiva sem nefndur er í höfuðið á Lafði Godiva.