Suður-Miðbaugsstraumurinn
Suður-Miðbaugsstraumurinn er hafstraumur sem flæðir frá austri til vesturs í Atlantshafi, Indlandshafi og Kyrrahafi á um 20. breiddargráðu suður. Í Kyrrahafi og Atlantshafi nær hann yfir miðbaug að 5. gráðu norður. Hann er nyrsti hlutinn af stóru hringstraumunum á suðurhveli jarðar, Suður-Kyrrahafshringstraumnum, Suður-Atlantshafshringstraumnum og Indlandshafshringstraumnum, og bæði staðvindarnir sem blása í vestur við miðbaug og ríkjandi austanáttir í kringum 30. gráðu suðlægrar breiddar drífa hann áfram. Í Indlandshafi við miðbaug snýst ríkjandi vindátt við tvisvar á ári vegna monsúnvinda og breytir þá yfirborðsstraumurinn um stefnu í samræmi við það.